भांगरभूंय | प्रतिनिधी
कांय सेकंदां भितर बस जळून गोबोर
गाझीपूर, खबरां संस्था: गाझीपुरांत एक व्हड अपघात घडलो. चलपी बशीचेर हाय टेंशन वायर पडून उजो लागलो. हातूंत ६ जाणांक जळून मरण आयलें. मरण आयिल्ल्यांचो आंकडो चड आसपाचो दुबाव आसा. तशेंच कांय जळिल्ल्यांक हॉस्पिटलांत धाडल्यात. हे घडणुके उपरांत तिडकल्ल्या लोकांनी पुलीस प्रशासनाचेर फातर मारले. डीएम आर्यका अखौरी, पुलीस अधीक्षक ओमप्रकाश सिंह आनी एसपी ग्रामीण बलवंत चौधरी हांणी थंय पावून लोकांक शांत केले.
अपघात जालो तेन्ना ही बस मढ हांगच्या खिरीहा खाजा हांगच्यान लग्नाच्या लोकांक घेवन महाहर धाम हांगा वताली. एक किलोमीटर प्रवासाचो वेळ वाचोवपा खातीर ते मुखेल रस्तो सोडून शॉर्टकट घेताले.
मजगतीं, महार गांवा कडेन पावतकच बस हाय टेंशन लायनीक तेंकली. बशींतल्यान प्रवास करपी लोकांक पयलीं विजेचो नेटान झटको लागलो. उपरांत बस जळपाक लागली. कांय सेकंदां भितर पुराय बस भगभगपी उज्याचे सुवादीन गेली. बशींतल्यान देंवपाची संद कोणाकूच मेळूंक ना. बशींत आशिल्ल्या सगळ्यांक मरण येवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
