भांगरभूंय | प्रतिनिधी
शिवसेना खासदाराची केंद्रीय भलायकी मंत्र्या कडेन कागाळ
मुंबय, खबरां संस्था ः चणे भाजपाक विखारी ऑरामायन रसायनाचो उपेग करतात अशें उक्तें जालां. ह्या रसायनाचो उपेग चण्यांक आकर्शक रंग दिवपा खातीर करतात.
हे संबंदी शिवसेना खासदार प्रियांका चतुर्वेदी हांणी केंद्रीय भलायकी मंत्री जेपी नड्डा आनी अन्न प्रक्रिया मंत्री चिराग पासवान हांचे कडेन कागाळ केल्या. चणे भाजपाक वापरिल्लीं रसायनां धोक्याचीं आशिल्ल्यान बेगोबेग कारवाय करपाची मागणी केल्या.
केंद्रीय मंत्र्या कडेन केल्ले कागाळींतल्या अहवालाचो उल्लेख करून ऑरामायन हो उद्देगीक रंग आसा म्हणलां. लेदर आनी कपडे खातीर ताचो उपेग करतात. रंग चड डार्क करपा खातीर ताचो उपेग करतात. तेंच ऑरामायन चणें भाजपाक वापरतात. हाका लागून अन्न सुरक्षेच्या नेमाचें उल्लंघन जाताच तेच बरोबर सगल्या भारतीयांच्या भलायकेक धोको निर्माण जाता.
यकृत, मूत्रपिंड आनी मुत्राशयाच्या कॅन्सराचो धोको
अन्न सुरक्षीतताय आनी मानक कायदो 2006 खाला अन्न पदार्थांत ऑरामायन वापरपाचेर बंदी आसा. तरी लेगीत ताचो व्हड प्रमाणांत वापर सुरू आसा. ‘इंटरनॅशनल एजन्सी फॉर रिसर्च ऑन कॅन्सरने’ ताका संभाव्य कार्सिनोजेन अशें म्हणलां. तातूंत कॅन्सर निर्माण करपी पदार्थ आसतात अशें संवसारीक भलायकी संघटनेचें मत आसा. देखून यकृत, मूत्रपिंड आनी मुत्राशयाच्या कॅन्सराचो धोको आसा आनी ताचो परिणाम मज्जासंस्थेरूय जावं येता अशें संवसारीक भलायकी संघटणा म्हणटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
