भांगरभूंय | प्रतिनिधी
आमची कूड सुमार 70 टक्के उदकान तयार जाल्या. देखून दर दिसा फावो तितलें उदक पिवप खूब गरजेचें आसता. उदकाक लागून कुडींतले विखारी पदार्थ भायर सरतात, कात ताजी जाता आनी स्नायू व पेशी घट्ट जातात.
आमचे दीसपट्टे जिणेंत जेवण आमकां शक्ती, बळ आनी जिवनसत्व दिवपी मुख्य स्रोत. पूण चड जेवण कुडीचे भलायके खातीर केन्ना केन्ना घाताचें जावंक शकता. खास करून चड प्रमाणांत कार्बोहायड्रेट्स (carbohydrates), साकर, तांदूळ वा मीठ आसल्यार. ताचे खातीर, जेवणाचो समतोल सांबाळप आनी योग्य वेळार, योग्य प्रमाणांत जेवण खूब म्हत्वाचें.
चड जेवण जेवले उपरांत केन्ना केन्ना तकली दुखप आनी घुंवळ येवप जाता. आमी चड जेवण घेतल्यार, पचना खातीर कुडीक चड काम करचें पडटा. हाका लागून रगताच्या प्रवाहांत बदल जाता आनी मेंदवाक (मस्तिष्काला) गरजेचो ऑक्सिजन उणो मेळूंक शकता. हाचो थेट परिणाम म्हळ्यार तकली दुखप, गिडगीडप (गळून गेल्ले भशेन दिसप), आनी ताण जाणवप. तशेंच, तांदूळ आनी हेर कार्बोहायड्रेट्स चड प्रमाणांत खाल्यार रगतांतल्या साकरेची पातळी गतीन वाडटा आनी मागीर देंवता, जाका लागून ह्यो समस्या वाडटात.
भलायके खातीर सुपरफूड फळां आनी सुकीं फळां (dry fruits) आमच्या शरिराक सैमीक जिवनशक्त दितात. फळां मदीं फळसाकर, जिवनसत्त्व आनी फायबर्स आसतात, जीं पचन सुदारतात आनी रोगप्रतिकारशक्त वाडयतात. सुकीं फळां शरिराक उर्जा दितात, पूण तीं योग्य प्रमाणांत घेतले बगर आमकां अती कॅलरीज मेळूंक शकतात. देखून दर दिसा थोडीं सुकीं फळां जेवणा वेळार आवर्जून घेयात.
आमच्या दीसपट्ट्या आहारांत शीत म्हत्वाचो घटक. पूण शीत चड प्रमाणांत वा दोन फावटी चड खाल्यार कुडींत साकर वाडपाचो घात आसता.
ताका लागून दर एका जेवणांत शिताचें प्रमाण नियंत्रीत दवरात आनी ताचे वांगडा भाजी, दाळ, फळां हांचो समतोल दवरात. दर दिसां बेगीन उठप आनी चलप गरजेचें करात. सकाळीं बेगीन उठप म्हळ्यार कुडीक नवी उर्जा मेळोवपाची भांगराची संद आसता. चलप, व्यायाम करप वा योगा करप हाका लागून दिसाक उर्जा आनी ताजगी दिता. हाका लागून रक्ताभिसरण सुदारता, मन उगडटा आनी दीसभर तंदुरुस्त रावपाक मेळटा.
वखदांचेर आदारीत रावनासतना सैमीक उपाय गंभीर दुयेंसां नासल्यार आनी दोतोराचो सल्लो घेतले बगर वखदां कमी करप वा थांबोवप घाताचें थरूं येता. तरी लेगीत, योग्य आहार, फावोशी न्हीद, नेमान व्यायाम आनी खूब उदक पिवप हो ताळमेळ दवरल्यार जायते कुडीचे त्रास उणे जातले.
उदक – कुडीचें जिवनसत्वः आमची कूड सुमार 70 टक्के उदकान तयार जाल्या. देखून दर दिसा फावो तितलें उदक पिवप खूब गरजेचें आसता. उदकाक लागून कुडींतले विखारी पदार्थ भायर सरतात, कात ताजी जाता आनी स्नायू व पेशी घट्ट जातात.
शेवटाक चड अन्न खावप म्हळ्यार भलायके खातीर फक्त त्रास ना जाल्यार दीर्घकाळच्या दुयेंसांनी जावपी गुंतागूंत लेगीत थरूं येता. तकली दुखप, घुंवळ येवप हे आमचे कुडीन दिल्ल्यो शिटकावण्यो आसात, जाचेर लक्ष दिवप गरजेचें आसता. देखून संतुलीत आहार, नेमान चलप आनी नेमाच्या संवयींनी सुदारणा करून आमी निरोगी आयुश्य जगपाक शकतात.
शारिरीक आनी मानसीक तंदुरुस्ती सांबाळपा खातीर वेळच्या वेळार जाणकारांचो सल्लो घेवप आनी स्वताच्या कुडीची काळजी घेवप खूब गरजेचें आसता. आमी भलायके वटेन लक्ष दिवप म्हळ्यार आमच्या आयुश्याक एक नवी सुरवात दिवप आसता.
तुमी तुमचे भलायकेची बरी काळजी घेवप म्हळ्यार फक्त कुडीक तंदुरुस्त दवरप न्हय, जाल्यार जिणेंत सकारात्मक बदल घडोवन हाडप आसता. बरी भलायकी मेळ्ळे उपरांत आमकां नवीं उद्दिश्टां थारावपाक, आनंदान जगपाक आनी कश्टान काम करपाक मेळटा. देखून आमचे भलायके वटेन योग्य वेळ आनी लक्ष दिवप म्हळ्यार आयुश्याक नव्या सुरवातीची संद दिवप जावन आसा.
प्रमिला प्रसाद फळदेसाय
9011834847
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
