भांगरभूंय | प्रतिनिधी
भांगरभूंय । प्रतिनिधी
कुडचडेंः जन उत्कर्श शिक्षण संस्थेच्या श्रीमती चंद्रभागा तुकोबा नायक उच्च माध्यमीक विद्यालयाक एमआरएफ कंपनी वतीन 17 कम्प्युटर भेट म्हणून दिल्यांत. थळावो आमदार आनी बांदकाम मंत्री नीलेश काब्राल हाचे हस्तुकीं तांचे उक्तावण केलें.
ह्या वेळार एमआरएफ कंपनीचो वेवस्थापक गौतम राज हे मुखेल सोयरे ह्या नात्यान हाजीर आशिल्ले. जन उत्कर्श शिक्षण संस्थेचो अध्यक्ष अशोक नायक, उपाध्यक्ष सत्यवान नायक, भांडारी योगेश नायक, जोड भांडारी देवू नायक, वांगडी विजय बुक्कम, सगुण नायक, रामा नायक, प्राचार्य श्रीपाद भट, उपप्राचार्च व्यंकटेश नायक माचयेर आशिल्ले.
सद्याचें युग सर्तीचें आसा. ते खातीर विद्यार्थ्यांनी चौकस आनी जागरूक आसप गरजेचें आसा. शिक्षणा वांगडा हेर मळार येस मेळोवपाचो सल्लो गौतम राज हांणे विद्यार्थ्यांक दिलो. नीलेश काब्राल हांणे एमआरएफ कंपनीच्या कॉर्पेोरेट जापसालदारकीची तोखणाय केली. विद्यार्थी म्हणल्यार देशाचो फुडार. तांणी बदलत रावपी आव्हानांक तोंड दिवपाक जाय. उच्च शिक्षण घेवंन देशाचे प्रगतीक योगदान दिवपाक जाय अशें ताणे सांगलें.
श्रीपाद भट हाणे सुरवेक सगल्यांक येवकार दिलो. मनिषा उपाध्ये आनी व्यंकटेश नायकान मानेस्तांची वळख करून दिली. अशोक नायक हाणे नीलेश काब्राल आनी गौतम राज हांका यादस्तिकां भेटयलीं. सूत्रसंचालन सुगंधा भट आनी गीता सावंत हाणी केलें. प्रदीप नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
