भांगरभूंय | प्रतिनिधी
भांगरभूंय । प्रतिनिधी
कुडचडेंः पांचवी चंद्रकांत नायक यादस्तीक अखील गोंय उक्ते रॅपीड रेटिंग बुद्दिबळ सर्त 3 आनी 4 ऑक्टोबराक कुडचडेंच्या नव्या म्युनिसिपल हॉलांत जातली. सर्तींत वट्ट 50 हजार रुपयांची इनामां आसात.
केंपें तालुको चॅस असोसिएशनात ही सर्त आयोजीत केल्या. 3 ऑक्टोबराक दनपारां 3 वरांचेर सर्तीचें उक्तावण जातलें. स्वीस-लीग पद्दतीचेर 8 फेरयेंत ही सर्त जातली. सर्तींत वांटेकार जावपाक इत्सूक आशिल्ले सर्तक एआयसीएफ रजिस्टर आसपाक जाय आनी सर्तींत वांटेकार जावपा खातीर 250 रुपये प्रवेश फी फुडें दिल्ल्या बँक अकावंटांत भरपाक जाय. केंपें तालुको चॅस असोसिएशन, अकावंट नंबर 520101032175570, आयएफसीए कोडः UBIN0921319. ह्या नंबरांत प्रवेश फी भरून ताची रिसिट- स्क्रीन शॉट मुख्य आर्बिटर आयए संजय कवळेकार, (व्हॉट्सअॅप 9823258711) हाका धाडपाक जाय.
पयल्या 15 खेळगड्यांक रोख इनामां आनी करंड दितले. उत्कृश्ठ व्हेटरन आनी उत्कृश्ठ बायल खेळगडी तशेंच अंडर-7, 0, 11 आनी 13तल्या दोन चले आनी चलयांक इनामां दितले. केंपें तालुक्यांतल्या 3 चले आनी 3 चलयांक इनामां दितले. 4 ऑक्टोबराक सांजे 5.30 वरांचेर इनाम भेटवण कार्यावळ जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
