भांगरभूंय | प्रतिनिधी
बीड, खबरां संस्था: बीडच्या गेवराई म्हालांत एक धक्को दिवपी घडणूक घडल्या. घोव- बायलेच्या वादान आवयन आपल्या दोन वर्सां पिरायेचे धुवेचो दोरयेन गळो अंदून स्वता आत्महत्या केली. ही घडणूक गेवराई म्हालांतल्या मालेगांव मजरा ह्या गांवांत उक्तडार आयली. आवय- धुवेच्या मरणान ह्या गांवांत दुख्ख पातळ्ळां.
दोगांयचें दुसरें लग्न
हे विशीं मेळिल्ले म्हायती प्रमाण, अंकिता हिचें तीन वर्सां आदीं मालेगावच्या बळीराम हांचे कडेन लग्न जाल्लें. मात सेगीत घोव- बायले मदीं जावपी वादाक लागून ती चिंतेंत आशिल्ली. निमाणें सेगीत जावपी वादाक विटून अंकितान आत्महत्त्येचें पावल उबारलें. अशी म्हायती पुलिसांनी दिली. ह्या वादाक लागून मात एका सानुल्यानूय आपलो जीव वगडायलो. बळीराम आनी अंकिता ह्या दोगांयचें हें दुसरें लग्न आशिल्लें. मजगतीं ह्या प्रकरणांत तलवाडो पुलीस स्टेशनांत गुन्यांव दाखल करून पुलीस हे विशीं खोलायेन तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
