भांगरभूंय | प्रतिनिधी
मडगांवः घुंवळे वखदां बाळगिल्ल्या प्रकरणांत मायना कुडटरी पुलिसांनी तनवीर मुल्ला (33, दवर्ली) ह्या दुबाविताक अटक केली. ताचे कडल्यान सुमार 10 हजारांचो 117 ग्राम गांजो जप्त केला.
शुक्रारा, 20 सप्टेंबराक सांजेच्या लयामती डोंगर वाठारांत पुलिसांनी ही कारवाय केली. दुबावीत तनवीर मुल्ला कडेन गांजो आशिल्ल्याची म्हायती मेळ्ळे उपरांत पुलिसांनी ताची तपासणी केली. त्या वेळार पुलिसांक ताचे कडेन गांजो मेळ्ळे उपरांत ताका अटक केली.
मायना कुडटरी पुलीस निरिक्षक अरुण गावस देसाय हांच्या मार्गदर्शना खाला पुलीस उपनिरिक्षक सागर कामत फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
