भांगरभूंय | प्रतिनिधी
भांगरभूंय । प्रतिनिधी
पणजीः केंद्रीय महसूल गुप्तचर संचालनालयाच्या (डीआरआय) मुंबय आनी गोंय विभागाच्या अधिकाऱ्यांनी मुंबय विमानतळ आनी गोंयांत आसगांव हांगा कारवाय करून आंतरराष्ट्रीय टोळयेचो पर्दाफाश केलो. ह्या प्रकरणांत ऑनियारीन सेहोर (थायलंड) हिका जानेवारींत मुंबय अटक केल्ली. तिचे कडल्यान गोंयांत विकपा खातीर हाडाल्ले 4.1 कोटी रुपया मोलाचें 4.1 किलो कोकेन जप्त केल्लें.
फाटल्या सप्तकांत आसगांव हागां जोड कारवाय करून आंतरराष्ट्रीय ड्रग्ज तस्कर चुकुवामा चार्ल्स ओगुजिओफोर,(नायजेरीया) हाका अटक केल्ली. ताचे कडल्यान 39 ग्राम कोकेन आनी 5.79 लाख रुपये जप्त केल्ले. डीआरआयन दिल्ले म्हायती प्रमाण दक्षीण आफ्रिकेंतल्यान आयिल्ल्या विमानांतल्यान ड्रग्ज तस्करी जाता अशी म्हायती डीआरआयच्या मुंबयच्या अधिकाऱ्यांक मेळल्ली. त्या प्रमाण तांणी 10 जानेवारीक टेळणी दवोरून इथिओपिया हांगच्यान अदीस अबाबा मार्गान मुंबय आयिल्लो युनियारीन सेहोर हिचो दुबाव आयिल्ल्यान तिच्या बॅगेडी झटडी घेतली तेन्ना कोकेन सांपडलो. गोंयांत एके नायजेरियन व्यक्तीक तें दिवपाची तिका सूचोवणी केल्ली.
सेहोर हिणे दिल्ले म्हायती वयल्यान डीआयआरचा गोंय विभागान 18 फेब्रुवारीक आसगाव हांगा एके कुडीचेर छापो घालूनचुकुवामा चार्ल्स ओगुजिओफोर हाका अटक केली. उपरांत न्यालायला कडल्यान ट्रान्झिट रिमांड घेवन ताका मुंबय व्हेलें,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
