भांगरभूंय | प्रतिनिधी
इंस्ट्राग्राम वा पेसबूक स्क्रॉल करतना तुमकां लोक घिबली ट्रेंड फॉलो करतना दिसता आसतल. कोणे ना कोणे आपलो फोटवाक एआय प्लेटफॉर्म चॅटजीपीटी वरवीं घिबली एनिमेशन तयार केलां. लोक ह्या फोटवांक आपल्या सोशल मिडिया प्लॅटफॉर्मार अपलोड करतात आनी व्हॉटस्अॅप स्टेटस लेगीत दवरतात.
म्हत्वाची गजाल म्हणल्यार ह्या ट्रेंडाक नेण्ट्यां पसून जाण्ट्यां मेरेन फॉलो करतना दिसतात. पूण तुमकां खबर आसा हे घिबली एनिमेशन आयच्यान कितल्याश्याच वर्सां आदीं सुरू जाल्लें. घिबली आर्टाची सुरवात कशी जाली? हें सगळ्यांत पयलीं कोणें केल्लें? ती व्यक्ती कोण आशिल्ली? ताचो इतिहास कितें? ह्या सगळ्यांची म्हायती दिवपाचो हो यत्न.
घिबली आर्टाचें कनेक्शन जपाना कडेन आसा. थंयचे आर्टिस्ट हाआओ मियाजाकी हाणें कांय लोकां वांगडा मेळून 1985 त स्टुडियो घिबली सुरू केल्लो. आपले हे कले वांगडा ताणें खूब नांव जोडलें. आयज स्टुडियो घिबली एनिमेशनाच्या संवसारांत व्हड नांव आसा. खाशेली गजाल म्हणल्यार मियाजकीन घिबली आर्टाचे धरतेर दर फोटो आपल्या हातान पितारलो. आयज जो फोटो आमी एआय वरवीं पांच मिणटांत तयार करतात, तो तयार करपाक मियाजीकीची वर्सांची मेहनत आसा आनी आयज संवसार हाचो चाहतो जाला.
घिबली आर्टच्या माध्यमांत घिबली स्टुडियोन कोटींची येणावळ जोडल्या. ह्या स्टुडियोन 25 परस अदीक एनिमेटेड चित्रपट आनी टीव्ही माळो तयार केल्यात. अहवाला प्रमाण ह्या स्टुडियोची सगळ्यांत चड येणावळ जोडपी चित्रपट ‘स्पिरिटेड अवे’ आसा. ह्या चित्रपटान संवसारभरांत 2300 कोटीं रुपयां परस चड पयशे जोडिल्ले. कांय खबरां संस्थांच्या म्हणण्या प्रमाण स्टुडियो घिबलीचे फावंडर हाआओ मियाजाकीचो नेटवर्थ 50 मिलियन डॉलर (428 कोटी रुपया) परस चड आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
