भांगरभूंय | प्रतिनिधी
इंटरनेटाचेर आनी सोशल मीडियाचेर सध्या घिबली आर्टच्या (Ghibli Art) ऍनिमेटेड फोटोचो ट्रेंड सुरु आसा. खुबशे जाण ओपन एआयच्या चॅटजीपीटी आनी एक्सचेर ग्रोक प्लॅटफॉर्मचे मजतीन फोटो करून सोशल मीडियाचेर शेअर करतात. हो ट्रँड जायते जाण फॉलो करतना दिसलें. प्रधानमंत्र्यां सयत बरेच राजकारणीय ह्या ट्रँडांत वांटेकार जातना दिसतात. घिबली ऍनिमेशन नेमकें कितें हें तुमकां खबर आसा?
घिबलीचें जपान कनेक्शन
घिबली हो जपानांतलो सगल्यांत व्हड ऍनिमेशन स्टुडिओ. ह्या स्टुडिओची स्थापना हायाओ मियाजाकी, इसाको ताकाहाता, आतोशियो सुझुकी हांणी १९८५ वर्सा केल्ली. घिबली स्टुडिओन केल्ल्या जायत्या चित्रपटांक ऑस्कर पुरस्कार मेळ्ळा. हातूंत Spirited Away आनी The Boy and The Heron हाचो आसपाव आसा. घिबली ऍनिमेशन स्टुडिओच्या चित्रपटाचे संवसारभर चाहते आसात.
फोटो कसो करप
आतां चॅट जीपीटी वापरून फ्रि घिबली स्टायल AI व्हिडिओ आनी फोटो कसो तयार करप हें पळोवया
स्टॅप १: ChatGPT ची नवी आवृत्ती उघडात, उपरांत प्रॉम्प्ट बाराचेर तीन बिंदू चिन्हाचेर क्लिक करात.
स्टॅप २: इमेज पर्याय निवडात, जो कॅनव्हास पर्याया शेजारा दिसतलो.
स्टॅप ३: तुमका परिणाम कसो जाय हें तपशीलाचेर मजकूर प्रॉम्प्ट करात.
उदा. झाडा सकयल खंयच्याय मनशाचो स्टुडिओ घिबली- शैलींत पोर्ट्रेट तयार करात.
स्टॅप ४: खंयचोय फोटो जनरेट जाले उपरांत, तुमी अदीक विशिश्ट तपशीलां सयत सुधारणांची मागणी करून ती रिफायंड करपाक शकतात.
स्टॅप ५: फोटवा सयत समाधानी जाले उपरांत, ते डावनलोड करात.
हेर पर्याय
ChatGPT सोडून, तुमी Grok, Microsoft Copilot आनी हेर पर्यायूय वापरपाक शकतात.
Grok AI जनरेटर सयत फोटो कसो तयार करप?
Grok 3 सयत फोटो तयार करप खूब सोपें आनी तुमी वेब आवृत्ती वरवीं वा सरळ पवर ह्या वैशिश्ट्यांत प्रवेश करपाक शकतात. फकत हे सोपे स्टॅप्स वापरात.
स्टॅप १: Grok इमेज जनरेटरांत मजकूर प्रॉम्प्ट प्रविश्ट करात आनी आपले इत्सूक फोटवाचें वर्णन करात.
स्टॅप २: उपरांत इमेजींतलो तपशील बारीक करपा खातीर ‘इमेज संपादीत करा’ पर्याय निवडात.
स्टॅप ३: परिणाम पळयात आनी तुमकां आवडपी इमेज डावनलोड करात.
को पायलटाचेर इमेज
Microsoft Copilot चेर इमेज कशी कतयार करची
स्टॅप १: Copilot सयत इमेज निर्माण करपा खातीर, Copilot चिन्नाचेर वचात.
स्टॅप २: इमेज निर्माण करपाक उपखंडांत तुमचो प्रॉम्प्ट टायप करात.
स्टॅप ३: उत्कृश्ठ परिणामां खातीर तुमी तुमची AI इमेज प्रॉम्प्ट, सुधारीत करपाक शकता.
स्टॅप ४: इमेज डावनलोड करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
