भांगरभूंय | प्रतिनिधी
भांगरभूंय । प्रतिनिधी
म्हापशेंः खोर्ली- म्हापशेंच्या घाटेश्वर देवस्थान ट्रस्टा वतीन देवी सातेरीचे नगर प्रदक्षिणे वेळार आयोजीत केल्ले रुप्या महोत्सवी अखील गोंय रांगोळी सर्तींत 10 हजार रुपयांचें पयलें इनाम पिर्णच्या काशिनाथ च्यारी हाका फावो जालें. दुसरें 7 हजारांचें इनाम उसगांवच्या भूपेश नायक हांका आनी 5 हजारांचे तिसरें इनाम फोंडेच्या सुजल शिरोडकार हाका मेळ्ळें. ताच्यो रांगोळी पोट्रेट गटांतल्यो आशिल्ल्यो. चवथें इनाम प्रताप गोवेकार (सुर्ला) आनी पांचवें इनाम सूरज केरकार (उसगांव) हांणी मेळयलें.
पारंपरिक गटांतलें 4 हजारांचे पयलें इनाम अमिशा नायक (फोंडें) हाका, 3 हजारांचे दुसरें इनाम रिया शेट (तिस्क-उसगांव) आनी 2 हजारांचें तिसरें इनाम संगीता नायक (तिस्क- उसगांव), चवथें इनाम स्नेहा पावशेक (पणजी) फावो जालें.. मुकूद माळगांवकार आनी संचिचा सुतार हांका उमेद वाडोवपी इनामां दिलीं. ज्येश्ठ चित्रकार संजय हरमलकार, ओंकार सिरसाट आनी चैताली मोरजकार हांणी परिक्षक म्हणून काम पळयलें.
जैतिवंताक उपसभापती जोशुआ डिसोझा हांचे हस्तुकीं इनामां भेटयलीं. ह्या वेळार म्हापशेची नगराध्यक्ष शुभांगी वायंगणकार, नगरसेवक साईनाथ राऊळ, विराज फडके, सातेरी देवस्थान समिती अध्यक्ष उमेश तिवरेकार, आदले अध्यक्ष नारायण राठवड, घाटेश्वर ट्रस्टाचे अध्यक्ष देश किनळेकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
