भांगरभूंय | प्रतिनिधी
नवी दिल्ली, खबरां संस्थाः आतां घरांतल्यान तुमकां तुमच्या आधार कार्डांत नोंद जाल्लो मोबायल नंबर बदलपाक मेळटलो. आधाराचेर नियमन करपी संस्था युनिक आयडेंटिफिकेशन अॅथॉरिटी ऑफ इंडियान (UIDAI) नवी डिजिटल सेवा जाहीर केल्या. हाचे वरवीं वापरप्यांक ओटीपी आनी फेस ऑथेंटिकेशन वरवीं आधार अॅपाचेर आपलो मोबायल क्रमांक अपडेट करपाक मेळटलो. पयसुल्ल्या वाठारांनी रावपी लोकांक आनी ज्येश्ठ नागरिकांक ही सेवा सोयीची आसतली.
नवी सेवा कशी चलतली?
० UIDAI प्रमाण मोबायल नंबर अपडेट करपाची प्रक्रिया सामकी सोपी केल्या. ताका कसलेच कागदपत्र वा भेट दिवपाची गरज ना. कांय मिण्टांनी ही पुराय प्रक्रिया पुराय जातली.
० सगळ्यांत पयलीं वापरप्यांक AADHAAR अॅप डावनलोड करचो पडटलो.
० मागीर वापरप्यांक आपलो आधार क्रमांक आनी नवो मोबायल क्रमांक घालचो पडटलो.
० ओटीपी व्हेरिफिकेशन जातलें, जें पोरन्या वा नव्या क्रमांकाचेर धाडटले.
० ते उपरांत स्मार्टफोन कॅमेरो वापरून फेस ऑथेंटीकेशन पुराय करचें पडटलें.
० 50 रुपया पेमेंट केले उपरांत फॉर्म सबमिट करचो पडटलो. बायोमेट्रीक अपडेटा वांगडा हें फुकट आसतलें.
० अपडेट स्टेटस तपासपाक UIDAI संकेतथळार URN क्रमांकान तपासूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
