भांगरभूंय | प्रतिनिधी
पणजी : पंचायत मंत्री मॉविन गुदिन्हो हांणी आयज सभाघरांत घरपट्टी वसूल करपा विशीं खर शिटकावणी दितना सांगलें, राज्यांतल्यो खुबश्यो ग्रामपंचायती फाटल्या कितल्याशाच वर्सां सावन घरपट्टी वसूल करपाक अपेसी थारल्यात. ज्यो पंचायती हें करपाक अपेशी थारल्यात तांचेर आतां खर कारवाय जातली.
तशेंच मंत्री गुदिन्हो हांणी, बरींच वर्सां जालीं खुबश्या पंचायतींनी घरपट्टी एकठांय करूंक ना. ही स्थिती आतां खपोवन घेवचे ना. घरपट्टी वसूल करपाक अपेसी थारिल्ल्या पंचायतीचीं शासकीय प्रमाणपत्रां आडायतले. ह्यान फुडें खंयचेंच नोंदणी प्रमाणपत्र वा एनओसी थकबाकीदारांक दिवचे ना. राज्य सरकारान घरपट्टी विशीं सगली नोंद डिजिटायझ करपाचो निर्णय घेतला. हाका लागून दरेकी पारदर्शकताय येतली. तशेंच थळाव्या प्रशासनांत अकार्यक्षमता उणी जावपाक मजत जातली, अशेंय तांणी नमूद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
