भांगरभूंय | प्रतिनिधी
दिगंबर कामत: भाजपा युवा मोर्चा आनी महिला मोर्चा वतीन भलायकी तपासणी शिबीर
मडगांव : भारतीय जनता पक्ष फकत उदरगतूच करिना. जाल्यार समाजांतलो दरेक घटक घटमूट आनी सुरक्षीत जावचो हे खातीर घटमूट समाज, सुरक्षीत समाज हे ध्येय बाळगून काम करता. भाजप भलायकी, नितळसाणीचेर चड भर दिता, अशें मडगांवचे आमदार दिगंबर कामत हांणी सांगलें.
भाजपा युवा मोर्चा आनी महिला मोर्चा हांच्या जोड पालवान कोंब मडगांवच्या विमलाबाई कारे सभाघरांत सेवा पखवडो खाला आयोजीत भलायकी तपासणी शिबिराचें दिवली पेटोवन उक्तावण केल्या उपरांत कामत उलायताले.
दरेल्यान आपले भलायकेची काळजी घेवप खूब गरजेचें. निश्काळजीपणां करप धोकोदायक आसता. अशे तरेच्या शिबिरांनी भलायके विशींची जागृताय जायत आसता अशें कामत हांणी सांगलें.
भलायकी शिबिराच्या उक्तावण सुवाळ्याक मडगांवची उपनगराध्यक्ष दिपाली सावळ, नगरसेवक सगूण नायक, दामोदर शिरोडकार, युवा मोर्चाचे मडगांवचे अध्यक्ष अक्षय पारकार, महिला मोर्चाची अध्यक्ष तनुजा पैगींणकार, सचीव सोनल म्हापसेकार, शर्मद रायतुरकार, योगिराज कामत आनी हेर कार्यकर्ते हाजीर आशिल्ले.
राज्य महिला मोर्चाची सरचिटणीस रंजिता पै हांणी सगळ्यांक येवकार दिलो. जाल्यार अक्षय पारकार हांणी सगळ्यांचे उपकार मानले.
ह्या भलायकी शिबिरांत डॉ. प्रतिष्ठा कुंकळयेंकार, डॉ. पुर्वा वाघ पै काणे, डॉ. विजेता जांबावलीकार, डॉ. निरज बोरकार, डॉ. शौरी केंकरे, डॉ. सायली कुडचडकार हांणी दुयेतींची तपासणी केली.
तांकां रेष्मा नायक हांणी मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
