भांगरभूंय | प्रतिनिधी
परळ- मुंबयचें ग्लोबल हॉस्पिटल हें देशांतलें एक बरें मल्टीस्पेशॅलिटी हॉस्पिटल आनी वैजकी केंद्र जें 24/ 7 संवसारीक दर्ज्याची भलायकी सेवा दिता. ह्या हॉस्पिटलांत आतां मेरेन 1200 परस चड यकृत (लिव्हर) आनी मुत्रपिंड (किडणी) प्रत्यारोपण शस्त्रक्रिया जाल्यात आनी हात, काळीज, आंतकडी, फुफ्फूस, स्वादुपिंड आनी अस्थीमज्जा प्रत्यारोपणा खातीर अस्तंत भारतांतलें सगळ्यांत बरें प्रत्यारोपण केंद्र म्हणून मान्यताय मेळ्ळ्या. हें हॉस्पिटल एकाच पाख्या खाला सगळ्या प्रत्यारोपणां खातीर सेवा दिता.
गॅस्ट्रोएन्टेरोलॉजी, एचपीबी शस्त्रक्रिया, काळीजशास्त्र, न्यूरोलॉजी, गंभीर जतनाय आनी जीआय शस्त्रक्रिया ह्या सगळ्या मळार उत्कृश्ट सेवा दिवपी हॉस्पिटल म्हणून ग्लोबल हॉस्पिटलान एक वेगळी वळख निर्माण केल्या. आंतरराष्ट्रीय दर्ज्याची भलायकी सेवा हो दरेका हॉस्पिटलाचो हेत आसता. दुयेंतीच्या फायद्या खातीर भलायकी सेवेंत उत्कृश्टताय मेळोवपाक सगलींच हाॅस्पिटलां वचनबद्ध आसतात. ग्लोबल हाॅस्पिटलूय ताका आडवाद ना.
ग्लोबल हॉस्पिटल फाटल्या कांय वर्सां सावन अस्तंत भारतांत अवयव प्रत्यारोपणाच्या मळार आघाडेचेर आसा. यकृत प्रत्यारोपण पंगडान 2022 वर्सा 126 यकृत, स्वादुपिंड आनी आंतकडी प्रत्यारोपणां केल्यात, जातूंत प्रौढ आनी भुरग्या दुयेंतीचें 95% जिवीत उरपाचें प्रमाण आसा.
मुखेल शल्यतंत्रज्ञ डॉ. गौरव चौबळ फाटल्या 15 म्हयन्यां सावन गोंयांत ओपीडी करून वाठारांतल्या दुयेंतींक सेवा दितात. गोंय राज्यांतल्या दुयेंतींचेर 4 जिवें दातो प्रत्यारोपण आनी सुमार 12 हेपेटो- पॅनक्रियाटिक- बिलीरी (HPB) शस्त्रक्रिया करून फाटल्या 12 म्हयन्यांत शंबर टक्के येसस्वी परिणाम जाल्यांत.
अत्याधुनीक तंत्रज्ञान, मुखेल शस्त्रक्रिया तंत्रां, नेमांक पाळो दिवप आनी पुरायपणान सुसज्ज आयसीयू आनी ओटी विशींचो वावर करपी ग्लोबल हॉस्पिटल्स हें सगळ्या दुयेंती खातीर ‘हेल्थकेअर डेस्टिनेशन’ म्हणून वळखतात, अशें डॉ. चौबळ, (संचालक, आंतकडी, खातें, यकृत आनी स्वादुपिंड प्रत्यारोपण आनी एचपीबी खातें) हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
