ग्रॅमी पुरस्कार जाहीर : केंड्रिक लॅमरान रचलो इतिहास

भांगरभूंय | प्रतिनिधी

दलाय लामांक मेळ्ळो पयलो ग्रॅमी पुरस्कार

लॉस एंजिल्स : 68 वे ग्रॅमी पुरस्कार कार्यावळींत केंड्रिक लॅमरान बेस्ट रॅप अल्बमाचो पुरस्कार जिखून इतिहास रचलो. तो आतां ह्या विभागांत सगल्यांत चड ग्रॅमी जिखपी रॅपर थारला. तिबेटी अध्यात्मिक गुरु दलाय लामा हांणी आपलो पयलो ग्रॅमी पुरस्कार जिखलो.

केंड्रिक लॅमराक पोरूं ग्रॅमींत 9 नामांकनां मेळिल्लीं. आतां ताच्या नांवार वट्ट 26 ग्रॅमी पुरस्कार आसात. उत्कृश्ट रॅप अल्बम आनी रॅप गीत पुरस्कार जिखून ताणें हिप-हॉप म्युझिकांत इतिहास घडयलो. ह्या जैता सयत ताणें ‘जे झी’ चो विक्रम मोडलो.
90 वर्सांचे तिबेटी अध्यात्मिक गुरु दलाय लामा हांणी उत्कृश्ट ऑडिओ बुक, नॅरेशन आनी स्टोरीटेलिंग कॅटेगरींत पयलो ग्रॅमी जिखलो. हो पुरस्कार तांकां तांच्या ‘मेडिटेशन: द रिफ्लेक्शन्स ऑफ हिज होलीनेस द दलाय लामा’ खातीर फावो जाला.
लेडी गागा, सर्कट आनी जॅक अँटोनॉफ हांकां 7- 7 नामांकनां मेळिल्लीं. बॅड बनी, लिऑन थॉमस आनी सबरीना कारपेंटर हांकां दरेकी 6 नामांकनां मेळिल्लीं. ह्या सुवाळ्यांत लेडी गागा, जस्टिन बीबर, फॅरेल विल्यम्स आनी सबरीना कारपेंटर हांणी आपल्या हीट पदांचेर सादरीकरण केलें.

पुराय वळेरी

अल्बम ऑफ द ईयर: बॅड बनी- डेबी तिरार मास फोटोस
रेकॉर्ड ऑफ द ईयर: केंड्रिक लॅमर आनी एसझेडए- लूथर
सॉन्ग ऑफ द ईयर: लेडी गागा- अब्राकाडाब्रा
न्यू आर्टिस्ट- ओलिव्हिया डीन
पॉप वोकल अल्बम: लेडी गागा- मेहेम
ऑडिओ बुक, नॅरेशन आनी स्टोरीटेलिंग: दलाय लामा
पॉप सोलो परफॉर्मन्स: सबरीना कारपेंटर- मॅनचायल्ड
पॉप डुओ/ ग्रुप परफॉर्मन्स: सिंथिया एरिवो आनी एरियाना ग्रांडे- डिफाइंग ग्रॅव्हिटी
डान्स/ इलेक्ट्रॉनिक अल्बम: एफकेए ट्विग्स- ईयूएसईएक्सयूए
डान्स पॉप रेकॉर्डिंग: लेडी गागा- अब्राकाडाब्रा
रॉक अल्बम: लिंकिन पार्क- फ्रॉम झिरो
रॉक परफॉर्मन्स: यंगब्लड- चेंजेस (लाईव्ह फ्रॉम व्हिला पार्क)
रॅप अल्बम: केंड्रिक लॅमर- जीएनएक्स
रॅप परफॉर्मन्स: डोइची- एंग्झायटी
मेलोडिक रॅप परफॉर्मन्स: केंड्रिक लॅमर आनी एसझेडए- लूथर
आरअँडबी परफॉर्मन्स: केहलानी- आफ्टर आवर्स
आरअँडबी अल्बम: लिऑन थॉमस- मट
सॉन्ग रिटन फॉर व्हिज्युअल मीडिया: गोल्डन फ्रॉम केपॉप डेमन हंटर्स
म्युझिक फिल्म: स्टीवन स्पीलबर्ग- म्युझिक बाय जॉन विल्यम्स
अल्टरनेटिव म्युझिक अल्बम: टायलर, द क्रिएटर- डोंट टॅप द ग्लास