गौरीकुंड गांवांत पालसणां कोसळ्ळीं : 10 भक्त बेपत्ता
भांगरभूंय | प्रतिनिधी
भांगरभूंय : खबरां संस्था
केदारनाथ : उत्तराखंडांत खिणांत बदलपी हवामानाक लागून पालसणां कोसळ्ळ्यांत. केदारनाथ यात्रेचे वाटे वयल्या गौरीकूंड – डाक पुलिया वाठारांत पालसण कोसळून 10 परस चड भावीक बेपत्ता आशिल्ल्याची म्हायती मेळ्ळ्या. एसडीआरएफचो पंगड घडणुके सुवातेर दाखल जाला.
सेगीत सुरू आशिल्ल्या पावसाक लागून सोद कामाक आडखळी निर्माण जाल्यात. हांगाचीं कांय दुकानांय हुंवारांत व्हांवन गेल्यांत.
रुद्रप्रयागच्या पुलिसांनी दिल्ले म्हायती प्रमाण, गौरीकूंड हो वाठार चारधाम यात्रे खातीर सामको म्हत्वाचो टप्पो. हाचें नांव पार्वतीच्या नांवा वयल्यान दवरलां. केदारनाथ मंदिरा कडेन वचपा खातीर गौरीकूंड मुखेल तळां मदलें एक.
मंदाकिनी न्हंयेची पातळी वाडिल्ल्यान पात्रा लागसारा आशिल्ल्या गांवांक प्रशासना कडल्यान सादूर रावपाची शिटकावणी दिल्या. हवामान खात्यान रुद्रप्रयागांत फुडल्या 24 वरांनी चड व्हडलो पावस पडटलो अशें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
