भांगरभूंय | प्रतिनिधी
पुर्तुगेज राजवटींत लेगीत गोंंयची संंस्कृती तिगून उरली
डॉ. प्रमोद सावंत हांचें सांगणें
पणजी : पोरणें गोंंयां जाल्ल्या गोवेश्वर महाशिव मंंदिराक लागून गोंयच्या अध्यात्मीक पर्यटनाक उर्बा मेळटली. अध्यात्मीक वातावरण तयार जावपा खातीर लेगीत मजत जातली अशें मुख्यमंंत्री डॉ. प्रमोद सावंंत हांंणी सांगलें.
पोरणें गोंंयां नरेंद्राचार्य महाराजांंच्या हाजेरींत गोवेश्वर महाशिव मंंदिराचो प्राणप्रतिश्ठा सुवाळो जालो. ह्या निमतान मुख्यमंंत्री डॉ. प्रमोद सावंंत उलयताले. कार्यावळीक गोंंयां सयत महाराष्ट्र, गुजरात, तेलंंगण तशेंच कर्नाटकातले भावीक हजारांचे संंख्येन हाजीर आशिल्ले. भाविकांच्या वाहनांंच्यो रांंगो पोरणे गोंंय – पणजे राष्ट्रीय म्हामार्गा कुशीक लागिल्ल्यो. गोवेश्वर मंंदिरात बारा लिंंगांंची स्थापना जाल्या. हाका लागून गोंंयकारांंक आतां ज्योतिर्लिंगांंच्या दर्शना खातीर महाराष्ट्र आनी कर्नाटक मेळून बारा सुवातांचेर पडचें ना. एखाद्याक ज्योतिर्लिंगांंची यात्रा करप शक्य जालें ना जाल्यार ताका गोवेश्वर मंंदिराक भेट दिवप पुराय थारतलें. रक्तदान, अन्नदान, व्यसनमुक्ती हातूंत नरेंद्राचार्य महाराजांंचें कार्य व्हड आसा. गोंंय ही धर्मीक आनी सांंस्कृतीक भूंंय आसा. मंदिरां आनी संतांं खातीर पुर्तुगेज राजवटींत लेगीत गोंंयची संंस्कृती तिगून उरली अशें मुख्यमंंत्र्यांंनी म्हणलें.
मनशाच्या जिवितात अध्यात्माक व्हड म्हत्व आसा. मंंदिरांंक लागून अध्यात्मीक वातावरण तयार जावपा सयत संंस्कृतीची जतनाय जाता. मनशांंती खातीर हेर जग आयज व्हड प्रमाणांत अध्यात्मा कडेन वळत आसा. गोंंयांंत इतिहासीक आनी पोरणी मंंदिरां आसात. गोंंयच्या देवळांंची शिल्पकला आनी सोबीतकाय पर्यटकांंक आकर्शीत करतात. हातूंत आतां गोवेश्वर महाशिव मंंदिराची भर पडल्या अशें मुख्यमंंत्र्यांंनी सांंगलें.
गोवेश्वर महाशिव मंंदिरांत 6 फूट उंचायेची पिंंडी उबारल्या. मंंदिराच्या बांंदकामाक लोखंडाचो वापर करूंक ना. चुनार फातराचो वापर बांंदकामांत केला. जगद्गुरू रामानंदचार्य नरेंद्राचार्यजी, कनिफनाथ महाराज तशेंच देशभरांतले साधूसंंत हांंची हाजीर आशिल्ली.
गोवेश्वर महिमा संहिता ग्रंथाचें लोकार्पण
ह्या वेळार राज्यपाल पुसापती अशोक गजपती राजू हांंचे हस्तुकीं गोवेश्वर महिमा संंहिता ह्या ग्रंथाचें लोकार्पण जालें. जगद्गुरू रामानंदचार्य नरेंद्राचार्य हांंणी ह्या ग्रंंथाचें लेखन केलां. ह्या ग्रंथांंत गोंंयचे वैदीय दायज आनी इतिहासाचो उल्लेख आसा. चौदाशे पानांचाे हो ग्रंथ धर्मीक इतिहासाचो दस्तावेज थारतलो, अशें जगद्गुरू रामानंदचार्य नरेंद्राचार्य हांंणी ह्या वेळार सांंगलें.
ग्रंथ प्रकाशन कार्यावळीक मुख्यमंंत्री डॉ. प्रमोद सावंंत तशेच संतांची हाजेरी आसली. राज्यपाल पुसापती अशोक गजपती राजू हांणी पुराय मंदीर तशेंच मठाची पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
