भांगरभूंय | प्रतिनिधी
भांगरभूंय । प्रतिनिधी
सावयवेरेंः मधलावाडो- सावयवेरें हांगच्या मोरेश्वर स्पोर्ट्स अँड कल्चरल क्लबान आयोजीत केल्ले गोंय पांवड्या वयले गोविंद गावडे फ्लडलायट क्रिकेट सर्तींत सावयवेरेंच्या रवींद्र इलेव्हन पंगडान वस्तादपण मेळयलें. तांकां 40040 रुपये आनी रवींद्र नायक यादस्तीक करंड दिलो.
सावयवेरेंच्या मदनंत पंगडाक फायनलींत हार खावची पडली. तांकां 20020 रुपयांचें इनाम फावो जाले. सेमी फायनलींत हार खावची पडल्ल्या सख्याहरी नार्वें आनी महादेव क्रिकेटर्स , डोंगरी हांका इनामां दिली.
सर्तींत तनिश केडकार मॅन आप सिरीज, अनिकेत कडेकार, (बॅटींग), दिप्तेश पालकार (बॉलींग), संकेत कडेकार, जय श्रीराम कॅच- अनुप वेरेकार हांका वैयक्तीक इनामां फावो जालीं. सर्त येसस्वी केल्ले खातीर कमलाकांत नायक, परेश खेडेकार, दिप्तेश पालकार, चंद्रजीत चारी , नीलेश गाड, पुण्ण्या पालकार, शशांक साने, सुदीप अभिषेकी आनी मिथुन कडेकार हांचो भोवमान केलो.
इनाम भेटवण कार्यावळ मदनंत क्रिकेट क्लबाचो सचीव हेमंत कासार आनी मोरेश्वर क्लबाचो अध्यक्ष प्रमोद बांदोडकार हाचें हस्तुकीं जाली. नीलेश गाडान सूत्रनिवेदन केलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
