भांगरभूंय | प्रतिनिधी
भांगरभूंय । प्रतिनिधी
पोरणे गोंयः गोंय व्हेल्हा पंचायतीचो सरपंच फ्रान्सिस डिसोझा हाचें आडचो अविस्वास थाराव सोमाराक जाल्ले पंचायत मंडळाचे खाशेले बसकेंत 5-0 अश्या मतानी पास केलो. उपसरपंच मोनिका मिरांडा हाचे सयय आंद्रे परेरा, इमिला कयादो, आयनो डिसोझा आनी आग्नेलो फर्नांडीस हांणी अविस्वास थारावाक तेंको दिलो.
सरपंच डिसोझा हांच्या सयत चार पंच वांगडी खाशेले बसकेर हाजीर रावले नात. पंचायत वाठाराची उदरगत करपाक सरपंच फ्रान्सिस डिसोझा हांक अपेश आयिल्ल्यान अविस्वास थाराव हाडून ताका आमकां काडून वडोवचें पडलें अशें मोनिका मिरांडा हिणे मतदाना उपरांत सांगलें. फाटल्या तीन म्हयन्यात सरपंच सामकोच निश्क्रिय जाल्लो अशें आयनो डिसोझा हांणे सांगलें.
तिसवाडीच्या गट विकास कार्यालयांतल्या जानू नायक हांणी अविश्वास थाराव मतदानात घातलो. नवो सरपंच वेंचून काडमेरेन उपसरपंच मोनिका मिरांडा हिचे कडेन सरपंचपदाचो ताबो आसतलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
