भांगरभूंय | प्रतिनिधी
सुदीप नायक हांणी केली दुरुस्तीची मागणी
पणजीः गोंय माध्यमीक आनी उच्च माध्यमीक शिक्षण मंडळाच्या यत्ता णववेच्या ‘इतिहास आनी राज्यशास्त्र’ पुस्तकांत चुकीची घटनात्मक म्हायती दिल्या. अस्तित्वांत नाशिल्ल्या तरतुदीं विशीं चुकीची म्हायती दिल्ल्यान ती चूक बेगोबेग दुरुस्त करची अशी मागणी गोवा विद्यापीठ विद्यार्थी मंडळाचे आदले महासचिव प्राध्यापक सुदीप नायक हांणी केल्या.
यत्ता णववेच्या ‘भारतीय लोकशाहीचे स्तंभ’ (Chapter 3: Political Science) ह्या पाठांत, पृष्ठ क्रमांक ७७ चेर फुडली म्हायती दिल्या. लोकसभेंतल्यो उरिल्ल्यो दोन सुवातो अँग्लो-इंडियन समुदायांतल्यान राष्ट्रपती नामनिर्देशीत करतात, जर त्या समुदायाचें प्रतिनिधित्व लोकसभेंत नासल्यार.
मजगतीं नायक हांणी हे विशीं मंडळाच्या निदर्शनास हाडून दिवन ही तरतूद आतां अस्तित्वात ना, १०४ वा घटना दुरुस्ती विधेयक २०१९, जी २५ जानेवारी २०२० सावन लागू जाली, ताचे वरवीं लोकसभेंतले अँग्लो-इंडियन नामनिर्देशीत सुवात रद्द केली. हाका लागून सदर म्हायती ही घटनात्मक नदरेन चूक आनी विद्यार्थ्यांची दिशाभूल करपी आशिल्ल्याचें म्हणलां.
यत्ता णववेच्या नव्या पुस्तकांनत वैदीक काळा सारकिल्ल्या भारताच्या प्राचीन इतिहासाचेर आधारीत धडे आशिल्ल्यान गोवा बोर्डचे नायक हांणी परबीं भेटयलीं. मात घटनात्मक तथ्यांत अचूकता सामकी गरजेची. चुकीची म्हायती विद्यार्थ्यांच्या परीक्षांचेर आनी नागरिकशास्त्राच्या समजुतीचेर परिणाम करपाक शकता अशें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
