भांगरभूंय | प्रतिनिधी
सांगें : गोवा फॉरवर्ड आनी काँग्रेस पक्ष हांचे मदीं कसलेच मतभेद नात, अशें गोवा फॉरवर्डाचे अध्यक्ष तशेंच फातोड्डेंचे आमदार विजय सरदेसाय हांणी सांगलें. ते कुडचड्यार एएसएन गॅलेक्सी हॉलांत ‘विजय आमचो आवाज’ बॅनरा खाला आयोजीत केल्ले कार्यावळींत उलयताले. तांचे वांगडा नगरसेवक बाळकृष्ण होडरकार आनी हेर फुडारी हाजीर आशिल्ले.
एकाच दिसा आनी एकाच वेळार गोवा फॉरवर्ड आनी काँग्रेस ह्या दोनूय पक्षांत लोकांच्यो समस्या आयकून घेवचे खातीर कार्यावळीचें आयोजन केल्लें. सरदेसाय हांणी सांगलें, आमी म्हाल पांवड्या वयल्या भौशीक कार्यावळींची आँखणी आदींच केल्ली. जर हाचे विशीं काँग्रेस फुडाऱ्यांनी कार्यावळी विशीं सांगिल्लें जाल्यार आमची कार्यावळ फुडें धुकलपाचे. जे जे तुमी आपले कडेन प्रस्न मांडले ते आपूण विधानसभेंत मांडटलो. तशेंच ते प्रस्न सुटावे करून घेवपाचो यत्न करतलों, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
