भांगरभूंय | प्रतिनिधी
पराग नगर्सेकारः दूद विक्रींत वाड करपाचो निर्णय
भांगरभूंय । प्रतिनिधी
फोंडें: गोवा डॅरीक पोरूं 2 कोटी 40 लाखांचो फायदो जाला. दूद उत्पादकांक उर्बा दिवचे कातीर दूद विक्रींत वाड करपाचो निर्णय घेतला. तशेंच दूद उत्पादकांचे मागणी प्रमाण साबार बसकेचें रिकॉर्डींद केलां. गोंयांतल्या दूद उत्पादकांक दरेका दिसा मोबायला वयल्यान संदेश दिवपाची वेवस्था केल्लया. ताका लागून दूद उत्पादकांक सद्दां दुदा विशीं म्हायती मेळपाक लागल्या, अशें
प्रशासकीय समितीचे अध्यक्ष पराग नगर्सेकार हांमी सांगलें.
गोवा डॅरीची वर्सुकी साबार बसका आयतारा नगर्सेकार हांचे अध्यक्षते खाला कुर्टीच्या सहकार भवनाच्या सभाघरांत जाली. ह्या वेळार रामा परब, संदीप पार्सेकार, सहकार खात्याचे सहनिबंधक सतीश सावंत आनी हेर पदाधिकारी हाजीर आशिल्ले. साबार बसका सोंपले उपरांत नगर्सेकार हांणी पत्रकारांक वयली म्हायती दिली.
गोवा डॅरीच्या उसगांवच्या गोरवां खावड प्रकल्पा संबंदांत अजून मेरेन गोरवां सांबाळ खात्या वतीन कांयच जाप दिवंक ना. गोवा डॅरीन नेमिल्लो हिशेब तपासनीसान शेरो मारिल्ल्यान फुडले उणाव दुरुस्त करतात. सध्या गोंयभरांतल्यान सद्दां 40 हजार लिटर दूद जमा करतात. दूद विक्रींत वाड करपा खातीर प्रक्रिया सुरू केल्या, अशें नगर्सेकार हांणी सांगलें. मजगतीं, आयतारा जाल्ले वर्सुकी साबार बसकेक उणे संख्येन दूद उत्पादन संघाचे प्रतिनिधी दिसताले. कांय प्रतिनिधींनी गोवा डॅरींत बेगिनूच संचालक मंडळाची वेंचणूक घेवपाची मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
