भांगरभूंय | प्रतिनिधी
पणजी ः गोवा कोंकणी अकादेमीन 2023- 2024 ह्या अर्थीक वर्सा खातीर फुडल्यो येवजण्यो जाहीर केल्यात आनी इत्सूक लेखकां कडल्यान / प्रकाशकां कडल्यान अर्ज मागयल्यात.
त्यो येवजण्यो अश्योः (1) पयलो चंवर येवजण (लेखकाचें पयलें पुस्तक उजवाडावपा खातीर 75% अर्थीक पालव), (2) साहित्य प्रभा येवजण (पुस्तक उजवाडावपा खातीर 70% अर्थीक पालव) (3) प्रकाशन पालव/ प्रतिभा सन्मान येवजण (प्रकाशका कडल्यान पुस्तकां विकतीं घेवप, जानेवारी 2021 ते डिसेंबर 2022 मेरेनची पुस्तकां) (4) बालसाहित्य प्रकाशन येवजण (बालसाहित्याची पुस्तकां उजवाडावपा खातीर 70% अर्थीक पालव) (5) कोंकणी नाटक- मांड येवजण (नाटकाची पुस्तकां उजवाडावपा खातीर 75% अर्थीक पालव).
(6) लोकवेद पुस्तक प्रकाशन येवजण (लोकवेदाची पुस्तकां उजवाडावपा खातीर 70% अर्थीक पालव), (7) शिक्षणीक साहित्य प्रकाशन येवजण (शिक्षणीक विशयावेली पुस्तकां छापणावळी खातीर 70% अर्थीक पालव), (8) अणकारीत पुस्तकां छापणावळ (अणकारीत पुस्तकां छापणावळी खातीर 70% अर्थीक पालव ), (9) लिप्यांतरीत पुस्तकां छापणावळ (लिप्यांतरीत पुस्तकां छापणावळीक 70% अर्थीक पालव )
इत्सूक संस्था/ विदयार्थ्यां कडल्यान अर्ज मागयतात, त्यो येवजण्यो अश्योः (1) शिक्षणीक /लोकवेद/ बाल साहित्य संगीत/ अणकार कृतिसत्रां/ शिबिरां आयोजनाक अर्थीक आदार (2) लेखक विद्यार्थ्याचें भेटेक (3) विद्यार्थी लेखकाचें भेटेक, (4) कोंकणी शिक्षणीक शिश्यवृत्ती (बी.ए./ एम.ए. / पीएच.डी पांवड्यांर गोंयांत शिकपी विद्यार्थ्यां खातीर शिश्यवृत्ती ), (5) कोंकणी संगीत कार्यावळ निर्मिती खातीर अर्थीक आदार (6) लोकवेद संशोधनवृत्ती आनी लोकवेद प्रकल्प (डॉक्युमेंटेंशना खातीर आनी संशोधना खातीर अर्थीक पालव) तशेंच संशोधनवृत्ती येवजण. (7) क्लारिस्सा व्हाज ई मोरेनास कोंकणी संशोधनवृत्ती येवजण.
ह्या येवजण्याची अर्जीपत्रां आनी नेमावळ अकादेमीच्या बी.एस.एन.एल. बिल्डींग, 5 वो माळी, पाटो प्लाझा, पणजी- गोंय, हांगाच्या कार्यालयांत आनी अकादेमीच्या संकेत थळार ( website: www.konkaniakademi.goa.gov.in) उपलब्ध आसात. अर्ज बरोवन दिवपाची निमणी तारीख 05/ ऑक्टोबर /2023 मेरेन आसा.
अर्ज अकादेमीच्या कार्यालयांत वा अकादेमीच्या ई मेलाचेर ( Email Id: [email protected] ) निमणे तारीख मेरेन पावती करची. अधिक म्हायती खातीर अकादेमीच्या 7775891857 ह्या फोनाचेर संपर्क करचो, अशें अकादमी वतीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
