भांगरभूंय | प्रतिनिधी
भांगरभूंय । सांस्कृतीक प्रतिनिधी
पणजीः रुद्रेश्वर पणजीच्या 30व्या वर्धापनदिसा निमतान पाटो- पणजी हांगच्यासंस्कृती भवनांत आयोजीत केल्ल्या गोमंतस्वर गीत गायन सर्तींत ल्हान गटांत गार्गी गिरीश सिद्ध्ये जाल्यार व्हडला गटांत वरद तारी हांका पयलीं इनामां फावो जाली. ल्हान गटा आरोही नायक आनी खुश पेडणेकार हांका दरेकी दुसरे आनी तिसरें इनाम जाल्यार व्हडल्या गटांत उगम सांवंत आनी तेजस वेर्णेकार हांका दुसरे आनी तिसरें इनाम मेळ्ळे.
डॉ शिल्पा डुबळे परबस, शरद मठकार आनी दशरथ नायक हांणी परिक्षक म्हणून काम पळयलें. राज्यसभा खासदार सदानंद शेट तानावडे आनी शिशंकर मयेकार मुखेल सोयरे म्हणून हाजीर आशिल्ले. तांचे हस्तुकीं इनामां भेटयलीं. माचयेर संस्थेचो अध्यक्ष दीपक आमोणकार आशिल्लो. ह्या वेळार ज्येश्ठ फोटो जर्नलिस्ट उमेश बाणस्तारकार आनी मी होणार सुपरस्टारचो उपजैतिवंत जिग्यासा ग्रुपाचो भोवमान केलो. अशोक परब हाणे सुरवेक सगल्यांक येवकार दिलो, प्रा. श्रद्धा गवंडीन सूत्रसंचालन केलें,
फाटल्या 30 वर्सांत रुद्रेश्वरान वेगवेगळे उपक्रम चालीक लागून बरी वाटचाल केल्या. गोंयांतल्या वेगवेगळ्या वाठारांतल्या कलाकारांक फुडें हाडलां. दर्जेदार नाटका, एकांकी सादर करून राष्ट्रीय पांवड्यार नामना मेळयल्यांत . हे संस्थेच्या नाटांक भूमिका करपाची संद म्हाकाय मेळ्ळी अशें सदानंद शेट तानावडे हाणे ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
