भांगरभूंय | प्रतिनिधी
बेळगांव: हुबळी धारवाड हांगच्या गोमंतक सेवा संघाच्या 41 व्या वर्धापन दिसाचे कार्यावळींत खासा आमंत्रीत सोयरे म्हणून आपोवन 2021 साहित्य अकादेमीचो सर्वोच्य पुरस्कार फावो जाल्ल्याचो अभिमान उक्तावपा खातीर कवी, लेखक आनी जेश्ट पत्रकार संजीव वेरेंकार हांचो संस्थे वतीन भोवमान केलो. ह्या वेळार माचयेर राज्य सभेचे खासदार विनयबाब तेंडूलकार नवी मुंबयच्या महापालिकेचे आयुक्त आय. ए. एस. राजेंद्र नार्वेंकार, भारतीय तटरक्षक दळाचे इन्स्पेक्टर जनरल मनोज बाडकार, संघाचे अध्यक्ष कृष्णकांत अकोलिकार, सचीव चंद्रकांत फातोर्डेंकार हाजीर आशिल्लेे.
बाटाबाटीच्या वेळार स्थलांतरीत जाल्ल्या हुबळी धारवाडच्या गोमंतक सेवा संघाच्या वांगड्यांनी कोंकणी संस्कृताय तिगोवन दवरली म्हणून समाधान उक्तायतनाच कोंकणी गिरेस्त करपाक वावुरचें, असो उलो वेरेंकार हांणी दिलो. समाजान उच्च शिक्षीत पिळगी घडोवपा खातीर सर्त करची अशें तांणी फुडें म्हणलें.
मुखेल सोयरे विनयबाब तेंडूलकार हांणीय संघाच्या वावराची ह्या वेळार तोखणाय कली. नार्वेंकार हांणी आपल्या उलोवपांत समाजाचे नवे पिळगेन सगळ्याच मळांचेर नांव मेळोवन कोंकण समाज कितल गुणवत्तापूर्ण आसा हें दाखोवन दिवचें असो उलो मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
