भांगरभूंय | प्रतिनिधी
भांगरभूंय । प्रतिनिधी
काणकोणः गोमंतक मराठा समाजाच्या काणकोण फाट्या वतीन काणकोण तालुक्यांतल्या 133 गुणेस्त विद्यार्थ्यांक 1 लाख 17 हजार 600 रुपयांच्या शिश्यवृत्ती भेटयल्यो.
कार्यावळीक काणकोणचो आमदार आनी सभापती रमेश तवडकार, गोमंतक मराठा समाजाचो अध्यक्ष आनंद वाघुर्मेकार, भांडारी श्रीकृष्ण आस्कावकार, सचीव मंगेश कुंडयकार, जोड कार्यवाह सतीश पैंगीणकार, आदलो अध्यक्ष गोरख मांद्रेकार, काणकोण फाट्याचो अध्यक्ष रमाकांत बांदेकार, नंदकिशोर शिरगांवकार, वसंत देविदास हाजीर आशिल्ले.
10वेचे परिक्षेंत 97.17 टक्के गुण घेवंन समाज पांवड्यार पयलो नंबर मेळोवपी मेळोवपी पूर्वा प्रमोद नायक तशेंच चित्रकला, रांगोळी आनी हस्ताक्षर सर्तींत प्राविण्य मेळोवपी राज गुरुनाथ लोलयेंकार हाचो ह्या वेळार भोवमान केलो.
पंचायत वेंचणुकेंत वेंचून येवन लोलये- पोळें पंचायतीची सरपंच जाल्ल प्रतिजा बांदेकार, पंच अजय लोलयेंकार, आशुतोष बांदेकार, पैगीणचो उपसरपंच सुनील पैंगीणकार, पंच सतीश पैंगीणकार हाचो सभापती रमेश तवडकार हांचे हस्तुकीं शाल, श्रीफल आनी यादस्तिक दिवन भोवमान केलो. मंगेश कुंडयकारान ह्या वेळार आपले विचार मांडले. सुरवेक रमाकांत बांदेकारान सगल्यांक येवकार दिलो. सतीश पैंगीणकार हांणी प्रास्तावीक केलें, हरिश्चंद्र खोलकारान सूत्रसंचालन करून निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
