भांगरभूंय | प्रतिनिधी
भांगरभूंय । प्रतिनिधी
फोंडेंः कुर्टी हांगा गोरवां सांबाळ खात्याच्या मैदानार गोमंतक गौड मराठा समाजा वतीन आयोजीत केल्ल्या पयल्या फुटबॉल सर्तीचें उक्तावण कृशी मंत्री रवी नायक हांचे हस्तुकीं उक्तावण केलें. ह्या वेळार समाजाचो अध्यक्ष मधु गांवकार, सांग्याचो आदलो आमदार प्रसाद गांवकार, फोंड्याचो उपजिल्होधिकारी अजय गावडे, आदलो पंच वांगडी रमाकांत गांवकार, भोला ऊर्फ बारकेलो गांवकार, स्टेट बँक ऑफ इंडियाचे मुखेल वेवस्थापक गोपाळ केरकार, शाम सांगोडकार, दिनेश जल्मी, बी आर पाटील आनी हेर मानेस्त हाजीर आशिल्ले.
अनुसूचीत जमातींलल्या लोकांक उदरगतीच्या मार्गावर व्हरपाची जापसालदारी तरणाटे पिळगेचे आसा. एसटी समाजांतल्या लोकांनी मतभेद कुशीक दवोरून संघटीत जावपाक जाय. समाजांतल्या लोकांनी सरकारी येवजण्यांचो लाब घेवपाक फुडें सरपाक जाय. तरणाट्यांनी वेसना पसून पयस रावपाक जाय अशें रवी नायकान सांगले.
फुटबॉल सर्तींत फोंडें, दिवचल, सत्तरी, सांगें, केपें, तिसवाडी आनी धारबांदोडें तालुक्यांतले 8 पंगड वांटेकार जाल्यात.जैतिवंत पंगडाक 33,333 आनी उपजैतिवंत पंगडाक 22.222 रुपयांची रोख इनामां दितले.
——————————————————————————————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
