भांगरभूंय | प्रतिनिधी
साकर आमचे कुडी खातीर गरजेची. पूण, पदार्थांतल्यान कुडींत वचपी साकरेचेर नियंत्रण दवरप गरजेचें. रगतांतली साकर वाडली जाल्यार वजन वाडप, स्थूलताय, गोडेंमूत, काळजाचे दुयेंस जावपाची शक्यताय आसता. साकर आशिल्ल्या खाणांचे सेवन केल्यार जायते दुयेंस शक्य जातात. हातूंत शारिरीक दुयेंसां तशेंच मानसीक दुयेंसांचोय आस्पाव जाता. साकर चड प्रमाणांत घेतल्यार काती संबंदीत दुयेंस जावंक शकतात. ही गंभीर स्थिती टाळपाखातीर साकर सेवनाचें प्रमाण उणें करप गरजेचें आसता.
1) खाणां- जेवणाचीं लेबलां वाचात.
दर एका पदार्थाच्या कव्हराचेर तो पदार्थ तयार करपाक वापरिल्ल्या घटकां विशीं म्हायती आसता. हाका ‘फूड लेबल’ अशें म्हण्टात. पदार्थात साकर कितली आसा तें खाणाचें लेबल वाचून कळटा. साकर चड आशिल्लें पदार्थ खावप टाळूं येता.
2) ताजीं फळां आनी भाजी खावपाचेर लक्ष केंद्रीत करचें.
फळां, भाजीपालो आनी सेंद्रीय पदार्थांत आशिल्ली सैमीक साकर कुडींत सहज पचता. जंक फूड खाल्यार रगतांतली साकर वाडटा. ह्या खाणां बदला ताजीं फळां, भाजीपालो, कड्डण खाल्यार रगतातली साकर वाडपाचे प्रमाण उणें जाता. साकर बदला म्होंव, गोड हांचे सेवन केल्यार बरें.
3) प्रक्रिया केल्लें अन्न, थंड पेयां घेवचीं न्हय.
सोडा, एनर्जी ड्रिंक वा कोल्ड ड्रिंकांतली साकर पचपाक कठीण आसता. तांचे सेवन केल्यार रगतांतली साकर वाडूंक शकता. हाचे बदला दूद आनी ग्रीन टी पियेवप भलायकेक बरें. थंड पेयां वांगडा प्रक्रिया केल्लें अन्न सेवन केल्यार कुडींतली साकर वाडटा. हाचेभायर हेर लुकसानूय कुडीक जाता.
4) आहार येवजण तयार करात.
दिसांत कितें खाता आनी कितें खावचें हाची पुराय म्हायती मेळोवची आनी येवजण तयार करची. खाणांचो वेळ थारावन तो पाळपाक जाय. सैमीक आनी भलायकेक बरी अशी खाणां खावप. अशें केल्यार साकरेची पातळी सदांच नियंत्रणांत उरतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
