गोडेंमूत आशिल्ल्यांनी ‘हीं’ फळां खावची
भांगरभूंय | प्रतिनिधी
गोडेंमूत आयज भलायकेची एक सामान्य समस्या जाल्या, जी जायत्या मदीं आसा. अशा लोकांनी खास करून जेवण-खाणाच्या बाबतींत स्वताचेर नियंत्रण दवरप खूब गरजेचें. कारण गोडेंमूत जाल्ल्या दुयेंतींक रगतांतली साकर नियंत्रीत करपा खातीर उणे ग्लायसेमिक इंडेक्स आशिल्ले अन्न खावपाची गरज आसता. रगतांतली साकर समतोल दवरप म्हत्वाचें. कारण ताचो थेट परिणाम काळजाचेर, मूत्रपिंडांचेर आनी हेर अवयवांचेर जाता. योग्य आहार आनी जिणे पद्दत आपणावन ताचेर नियंत्रण दवरूं येता. गोडेंमूत जाल्ल्या दुयेंतींक फायदेशीर अशीं कांय फळां आसात. जी रगतांतली साकर नियंत्रीत करपाक फायदेशीर थारता.
जांबूळ – गोडेंमूत जाल्ल्या दुयेंतींक जांबूळ हें एक बरें फळ. हांतूत उणो ग्लायसीमिक इंडेक्स आसता. जाका लागून रगतांतली साकर नेटान वाडना. जांबळाच्या बियांनी रगतांतली साकर नियंत्रीत करपीय गुणधर्म आसतात. जाबूळ सरळ खावंक मेळटा वा ताचीं बियो सुकून ताचो पिठो करून उदका वांगडा घेवंक शकता.
आपोल – आपोलांत तंतू आनी पेक्टीन नांवाचे घटक आसतात. जें रगतांतली साकर नियंत्रीत करपाक मजत करता. तशेंच कुडींतल्या इन्सुलिनाच्या कार्याक चालना दिता.
पिअर (Pear) – ह्या फळांत तंतू आनी जीवनसत्वां चड प्रमाणांत आसता. जीं पचनक्रिया मंद करून रगतांतली साकर स्थीर करपाक मजत करता. हें फळ सॅलडांत वा थेट खावप फायद्याचें.
काळीं द्राक्षां – काळ्या द्राक्षांत अँटीऑक्सिडंट चड प्रमाणांत आसता आनी सैमीक साकर उणी आसता. रगतांतली साकर नियंत्रीत करपा वांगडाच काळीं द्राक्षां काळजाचे भलायकेखातीरुय फायदेशीर आसतात.
पपय – पपय हें एक अशें फळ तातूंत कॅलरी उणी आनी तंतू चड आसता. रगतांतली साकर स्थीर करपाक मजत करता आनी पचनक्रिया सुदारता.
गोडेंमूत आशिल्ल्या दुयेंती खातीर…..
० समतोल आहार करात: आहारांत फळां आस्पावपा वांगडाच उण्या ग्लायसेमिक इंडेक्साच्या खाणां-जेवणांक प्राधान्य दिवचें.
० नेमान व्यायाम करचो: दर दिसा 30 मिनटां चलप वा योग करप गोडेंमूत आशिल्ल्या दुयेंतींक फायद्याचें थारता.
० रगतांतली साकर पातळी तपासत रावचें: रगतांतली साकर पातळी नेमान तपासल्यार तुमचे भलायकेचेर नियंत्रण दवरपाक मजत जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
