भांगरभूंय | प्रतिनिधी
पेळावदे रावणच्या गोठणेश्वर यूथ क्लबान घोटेली बॉयसान आयोजीत केल्ली घोटेली क्रिकेट लिगेचें वस्तादपण जोडलें. जाल्यार उपवस्तादपण सतीश ब्रदर्साक फावो जालें. सर्तींतलो उत्कृश्ट बॉलर म्हणून नारायण जाधव, उत्कृश्ट बॅट्समन म्हणून यशोद फडते आनी मॅन ऑफ द सिरिजाचो पुरस्कार गौरेश गांवस हाका फावो जालो. सर्त केरी सरकारी विद्यालयाच्या मैदानाचेर आयोजीत केल्ली. लिगेंत स पंगडांनी वांटो घेतिल्लो. समीर गांवसाच्या वीर मराठा, लक्ष्मण गांवसाच्या ए व्ही वॉरियर्सान, ओंकार चौगुळकाराच्या धी अवेंजर्स, नरेंद्र जाधवाच्या इमर्जींग सुपर किंग्स, तुषार गांवसान सतीश ब्रदर्स, नारायण जाधवाच्या गोठणेश्वर यूथ क्लब (जी.व्हाय.सी पंगड) हाणें वांटो घेतिल्लो.
उक्तावण सुवाळ्याक मुखेल सोयरे म्हणून दिवचचे जोड मामलेदार श्रीपाद माजिक, केरीचे सरपंच दिक्षा चंद्रकांत गांवस, घोटेलीचे पंच वांगडी राजेश गांवस, समाजवावुरपी सतीश गांवस, नीळकंठ गांवस आनी घोटेली लिगेचे अध्यक्ष महेश परब हे उपस्थीत आशिल्ले.
गोठणेश्वर यूथ क्लबाक रोख पंदरा हजार आनी करंड फावो जालो, जाल्यार उप वस्ताद पंगडाक रोख धा हजार आनी करंडाचेर समाधान मानचें पडलें.
तिसरी सुवात ए व्ही वॉरियर्साक आनी चवथी सुवात इमर्जींग सुपर किंग्साक फावो जाली.
लीग येसस्वी करपाक कार्यकारिणी समिती महेश परब, आदित्य गांवस, सागर गांवस, तशेंच संतोष गांवस, कमलेश माजिक, राजेश गांवस, सिद्धेश गांवस, चेतन गांवस, अनील गांवस, सत्यम गांवस, सत्यवान गांवस, प्रणय माजिक, कृष्णा मयेंकार, संतोष शिवा गांवस, रोहन गांवस हांणी मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
