भांगरभूंय | प्रतिनिधी
बेळगांवच्या कर्नाटक लॉ सोसायटीची गोगटे इन्स्टिट्यूट ऑफ टेक्नाॅलाॅजी संस्था लोकप्रीय आसा. थंय बॅचलर ऑफ आर्किटेक्चर (बी आर्क) अभ्यासक्रम शिकयतात.
वास्तुशास्त्र एक करियर म्हूण शिकप फायद्याचें. वास्तुशिल्प ही जागो डिझायन करपाची, रावपाक योग्य अशें बांदकाम करपाची कला. तिका कला आनी विज्ञानाची आवय, अशें म्हणल्यारुय जाता. अजंठा, एलोरा लेणीं, हम्पी, अद्भुत राजवाडे आनी किल्ले, जयपूर सारकिल्लीं नियोजीत शारां आनी चंडीगढ सारकिल्लीं स्वातंत्र्या उपरांतच्या काळांतल्या नियोजीत शारां खातीर भारताक इतिहासीक नदरेन वळखतात. आधुनिक काळांत वास्तुशिल्पी लुईस काह्न हांणी तयार केल्ली आयआयएम- अहमदाबाद, ले कॉर्बिझियर हांचे मिल ओनर असोसिएशन ह्या बांदकामांचीय संवसारीक पांवड्यार तोखणाय जाल्या.
वास्तुशास्त्रांत बॅचलर अभ्यासक्रम
गोगटे इन्स्टिट्यूट ऑफ टेक्नाॅलाॅजी संस्थेंत वास्तुशास्त्रांत बॅचलर हो 5 वर्सांचो पदवी अभ्यासक्रम आसून तातूंत इमारती डिझायन करपा खातीर अभ्यासक्रम आसपावीत आसा. तशेंच स्वताचें संशोधन, निरिक्षण, दस्तावेजीकरण, रेखाटन, अभ्यास भोंवडी, गट काम, मॉडेल तयार करप, छायाचित्रण आनी संबंदीत कार्यावळींचोय तातूंत आस्पाव जाता. इतिहासीक वास्तुशिल्प आश्चर्यां विशीं शिकपा वांगडाच विद्यार्थ्यांक समकालीन वास्तुशिल्पकारांच्या इतिहासाचो संपर्क येता, अस्तंती आनी भारतीय. तशेंच विद्यार्थी शार पातळेचे प्रस्न आनी काळजी, लँडस्केप हाताळटात. विद्यार्थ्यांक वैयक्तीक प्रकल्पाचें काम सादर करचें पडटलें.
हो सगलो अभ्यास खंय करपाचो? एका बऱ्या स्कूल ऑफ आर्किटेक्चराक उत्कृश्ट शिक्षणीक मुळावी बांदावळ आसता, परिपूर्ण वातावरण आसता. प्रॅक्टीस करपी वेवसायिकां कडेन तें बरे तरेन जोडिल्लें आसता. तातूंत विद्यार्थ्यांक केस स्टडी, स्थळ अभ्यास, वास्तुकला आनी इतिहासीक आवडीच्या सुवातींनी अभ्यास भोंवडे घडोवन हाडून तांचे डिझायन समृद्ध करपाक फाटबळ दिवपाक जाय. डिझायन आनी बांदकाम विशयांचेर कार्यशाळांतल्यान विद्यार्थ्यांक एक्सपोझर मेळपाक जाय. भायली पाचवीचार सुवात, कला न्यायालय, शिल्पां आनी बांदकाम यार्डाचोय संपर्क येवप म्हत्वाचें.
अर्ज कसो करचो?
हेर वेवसायीक अभ्यासक्रमांच्या तुळेंत गोगटे इन्स्टिट्यूट ऑफ टेक्नाॅलाॅजींत बी. आर्कांत प्रवेश घेवप खूब सोंपें आसा. उमेदवारांनी फकत प्री-युनिव्हर्सिटी कोर्स आनी नॅशनल एप्टीट्यूड टेस्ट इन आर्किटेक्चर (नाटा) क्लियर करपाची गरज आसा, जी काउन्सिल ऑफ आर्किटेक्चर हांणी तयार केल्या.
वास्तुशास्त्रांत करियराची संद
एक विद्यार्थी बी. आर्क पुराय केले उपरांत. आनी कावंन्सिल ऑफ आर्किटेक्चरांत यशस्वी नोंदणी केले उपरांत आर्किटॅक्ट हें नांव वापरून आर्किटेक्चराचो सराव करूंक शकता. वास्तुशास्त्रांत बॅचलरचो विद्यार्थी वास्तुशिल्प फर्मांत सहाय्यक वास्तुशिल्पी म्हणूनय काम करूंक शकता वा वास्तुशास्त्रांत पदव्युत्तर वा लॅंडस्केप, शारी डिझायन, सस्टेनेबल आर्किटेक्चर, इंटीरियर डिझायन, संवर्धन वा शारी आनी प्रादेशिक अशा संबंदीत मळांनी पदवी घेतले उपरांत काम करूंक शकता. नियोजन, घरां ह्या संबंदीत क्षेत्रांत मुळावे बांदावळीचें नियोजन करपाक शकता.
केएलएस जीआयटींतलें वास्तुशास्त्र विभाग वास्तुशास्त्रांत प्रेरणादायक आनी दर्जेदार शिक्षण दिता. उत्कृश्ट शिक्षणा वांगडाच विद्यार्थ्यां मदीं सृजनशीलताय आनी कलात्मक कुशळटाय विकसीत करपाचो विभाग यत्न करता.
पात्रताय तपशीलां खातीर www.nata.in सायटीक भेट दिवची. वास्तुशास्त्रांतली राष्ट्रीय योग्यताय चांचणी (नाटा) सक्तीची आसा.
—————————-
–
विभागाचीं खाशेलपणां
० फाटल्या 25 वर्सां सावन वास्तुशिल्प शिक्षण दिवपी आघाडेची संस्था.
० बहुविध, ओंपून घेतिल्लो आनी अणभव आशिल्लो प्राध्यापक पंगड.
० ह्या प्रदेशांतले वरिश्ठ आनी अणभव आशिल्ले प्रॅक्टीसिंग आर्किटेक्ट विझीटिंग प्राध्यापक म्हणून आपयतात.
० सध्याच्या आव्हानांक तोंड दिवपाक तयार केल्लो अद्वितीय असो अभ्यासक्रम.
० परस्पर संवादात्मक आनी संशोधनात्मक शिक्षण- शिकपाच्यो प्रक्रिया.
० विद्यार्थ्यांक वेगवेगळ्या डिझायन सर्तींनी वांटो घेवपाक प्रोत्साहन दितात, जंय तांकां प्रतिश्ठीत प्रशंसा पुरस्कार मेळटात.
० बळिश्ट पूर्ववर्ती कनॅक्ट, विद्यार्थ्याचें यशस्वी प्लेसमेंट.
० नियासा, यूडीआरआय, केव्ही फोरम, आर्ची-प्रिक्स ह्या सारक्या वेगवेगळ्या प्लॅटफॉर्मांचेर वेंचून काडिल्ल्या विद्यार्थ्यांचें प्रकल्प कार्य (प्रबंध).
० पुस्तकां, जर्नल, नेमाळीं आनी ई-संसाधनांचो विस्तारीत संग्रह आस्पावपी बऱ्यांतलें बरें वाचनालय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
