भांगरभूंय | प्रतिनिधी
पणजी: 64व्या गोंय मुक्ती दिसा निमतान 19 डिसेंबर 2025 दिसा उजो पालोवपी दळाच्या कर्मचाऱ्यांक मुख्यमंत्री अग्निशमन सेवा पदक (उत्कृश्ठ सेवा/शौर्य सेवा) भेटयतले.
मुख्यमंत्री अग्निशमन सेवा शौर्य पदक
अविनाश गांवकार, जवान: 17सप्टेंबर 2024 दिसा वाळपय एक मनीस घसघशांत पडिल्लो. ताका वाटावपा खातीर अविनाश गांवकार हाणें स्वताचो जीव घाताक घालून दोरयेच्या आदारान 150 फूट सकयल घसघशांत देंवून कूड भायर काडली. ताचे हे धाडसी सेवे खातीर गोंय सुटके दिसा मुख्यमंत्र्यां हस्तुकीं अग्निशमन सेवा शौर्य पदकान ताचो भोवमानीत करतले.
निलेश फर्नांडीस, स्टेशन फायर ऑफिसर: गोंयांतल्या खूबशा वाठारांनी उजो आनी आपत्कालीन घडणुकां मदीं सक्रीयपणान वांटो घेतिल्लो. जसो नाफ्था गळटी आनी उज्याच्यो घडणुको. वास्को मांगरार सैम चक्रवादळ, तौक्ते चक्रवादळ, हुंवार मजत कार्य आदीं जातूंत ताणें तोखणायेची कामगिरी केली. तांच्या उत्कृश्ठ सेवे खातीर 19 डिसेंबराक मुख्यमंत्री अग्निशमन सेवा पदक (उत्कृश्ठ सेवा) भेटयतले.
जंगा आर. गोहर, लिडींग फायर फायटर: अंमलबजावणी क्षेत्रांतलीं कठीण कामां करपाक तांणी खाशेली आवड दाखयल्या. तांच्या कार्यकाळांत कर्तव्यनिश्ठ आनी समर्पणा विशीं तोखणाय म्हणून तांकां एकदां प्रशस्तीपत्र भेटयिल्लें. तशेंच 2012-13 ह्या वर्सांतल्या ‘स्क्वाड ड्रील’ सर्तींत वर्सुकी कवायत सर्तींत दुसरो क्रमांक मेळयिल्ले खातीर आनी 2020 ह्या वर्सांतल्या 32व्या वर्सुकी अग्निशमन कवायत सर्तींत ‘स्क्वाड ड्रील’ हे सर्तींत पयलो क्रमांक मेळयिल्ले खातीर तोखणाय म्हूण तांकां तीन फावटी गुणवत्ता प्रमाणपत्र भेटयिल्लें.
अनिकेत ए. आमोणकार: अग्निशमन जवान कार्यक्षेत्रांतलीं कठीण कामां पार पाडपाक तांणी विशेश आवड दाखयली. तांच्या बऱ्या शिस्त आनी सामान्य वर्तना खातीर तांकां तीन फावटी तोखणायेचें पत्र दिवन भोवमानी केलें. तशेंच, 4 एप्रील 14 दिसा सत्तरी म्हालांत आयिल्ल्या सैमीक आपत्ती वेळार केल्ले उत्कृश्ठ सेवे खातीर तांकां एकदां गुणवत्ता प्रमाणपत्र दिवन भोवमानीत केलें. तोखणायेचे सेवे खातीर अनिकेत ए. आमोणकार, मुख्यमंत्र्यांचे अग्निशमन सेवा गुणवत्ता पदक भेटयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
