भांगरभूंय | प्रतिनिधी
वाडटें दर आनी मागणी लक्षांत घेवन फलोत्पादन महामंडळाचो उपक्रम
पणजीः चवथी आदीं वाडपी नाल्लांची मागणी आनी बाजार दर थीर करपाक गोंय सरकार अनुदानीत दरांत नाल्ल विकतलें. बाजारांत विकपी मोठ्या आकाराच्या नाल्लांची किंमत ६०-७० रुपया इतली आसा. आतां त्याच आकाराचो नाल्ल गोंयकारांक ४५ रुपयांनी मेळटलो. हे खातीर शेजारच्या कर्नाटक राज्यांतल्यान सुमार १ लाख नाल्ल विकत घेतले, अशी म्हायती गोंय फलोत्पादन महामंडळाच्या विरीष्ठ अधिकार्यान दिली.
अधिकार्यान दिल्ले म्हायती प्रमाण शेतकी मंत्री रवी नायक हांच्या निर्देशा प्रमाण, कृशी खातें आनी गोंय राज्य फलोत्पादन महामंडळ हेर राज्यांतल्यान नाल्ल विकत घेवन ते परबांच्या हंगामांत गिरायकांक ‘ना फायदो, ना लुकसाण’ ह्या तत्वाचेर विकतलें.
ह्या तत्वाचेर हे नाल्ल शेजारी कर्नाटक राज्यातल्यान विकते घेतले आनी त्याच दरात विकतले. ज्या जंबो आकाराचो नाल्लांची किंमत गोंयच्या बाजारांत ६०-७० रुपया आसात त्याच आकाराचे नाल्लाची किंमत कर्नाटकांत ४० रुपयात उपलब्ध आसात. ते ४० रुपया नग इतले नाल्ल विकते घेवन महामंडळाचे केंद्राक एक ५ रुपयाचो फायदो सुटपा खातीर आमी ते ४५ रुपयान विकतले, अशें अधिकार्यान सांगलें.
पयले फेरींत दोन दिसांनी कर्नाटकांतल्यान २५,००० नाल्ल येतले. हाका लागून नाल्लाची पुरवण वाडटली आनी वाडिल्ल्या दरांत थिरताय येतली. ह्या नाल्लांची विक्री गोंय फलोत्पादन केंद्रां आनी राज्यांतले मोबायल व्हॅनी वरवीं सवलतीच्या दरांत करतले. दोन दिसांनी कर्नाटकांतल्यान २५ हजार जंबो आकाराचे नाल्ल येतले. ते महामंडळ संचालीत आवटलेट आनी हेर बागायती केंद्रांनी उपलब्ध करून दितले. ते भायर महामंडळाच्या भाजीपालो मोबायल व्हॅना वरवीं नाल्ल उपलब्ध करतले, अशी म्हायती अधिकार्यान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
