भांगरभूंय | प्रतिनिधी
केंद्रीय गृहमंत्री अमित शाहान दिली म्हायती
नवी दिल्ली : केंद्रीय गृहमंत्री अमित शाह हांणी राज्य आपत्ती प्रतिसाद निधी (SDRF) खाला गोंय सयत वट्ट 19 राज्य सरकारांक 6,194.40 कोटी रुपया दिवपाक मान्यताय दिल्या. निधी दिल्यान चालू पावसाच्या काळांत राज्यांक उपाय येवजण चालीक लावपाक मजत जातली अशें गृह मंत्रालयान निवेदनांत म्हणलां.
ह्या राज्यांक मेळटली रक्कम
हे रक्कमेतले 1,209.60 कोटी रुपया चार राज्यांक (छत्तीसगड, मेघालय, तेलंगणा, उत्तर प्रदेश) 2022-23 वर्सा खातीर राज्य आपत्ती प्रतिसाद निधींत केंद्रीय वाटो म्हणून दितले. आनी 2023-24 वर्सा खातीर 15 राज्यांक (गोंय, आंध्र प्रदेश, अरुणाचल प्रदेश, आसाम, बिहार, हरियाणा, हिमाचल प्रदेश, केरळ, महाराष्ट्र, मणिपूर, मेघालय, ओडिशा, पंजाब, तमिळनाडू, त्रिपुरा) 4,984.80 कोटी रुपया दितलें.
प्रधानमंत्री नरेंद्र मोदी हांच्या फुडारपणा खाला केंद्रीय सरकारान 2023-24 वर्सा खातीर 9 राज्यांक एसडीआरएफांत केंद्रीय वाटो म्हणून 3649.40 कोटी रुपया दिवपाक पयलींच मान्यताय दिल्या. पंदराव्या अर्थ आयोगाच्या शिफारशींच्या आदाराचेर केंद्र सरकारान 2021-22 ते 2025-26 ह्या काळांत एसडीआरएफ खातीर 1,28,122.40 कोटी रुपयांची तजवीज केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
