भांगरभूंय | प्रतिनिधी
21 जुलयाक सुरु, 8 ऑगस्टाक सोंपतलें
पणजी ः राज्यपाल पी. एस. श्रीधरन पिल्लय हांणी 21 जुलयाक सकाळीं 11.30 वरांचेर विधानसभेचें पावसाळी अधिवेशन आपयलां. तांणी काल 20 जूनाक हो आदेश जारी केलो. हें अधिवेशन 21 जुलयाक सुरु जातलें तें 8 ऑगस्ट मेरेन पंदरा दीस चलतलें.
आठवे विधानसभेचें हें धावें अधिवेशन आसून फाटल्या दोन ल्हान अधिवेशनांनी चर्चा करपाक फावो तो वेळ मेळूंक नाशिल्ल्यान हे खेपे म्हत्वाच्या प्रस्नांचेर चर्चा जावपाची शक्यताय आसा. अर्थसंकल्पांत मान्यताय मेळिल्ल्या वेगवेगळ्या येवजण्यांच्या मागण्यांचेर चर्चा जातली, आनी कांय म्हत्वाचीं विधेयकांय सरकार मांडपाची शक्यताय आसा.
पर्वरीच्या विधानभवन वाठारांत अधिवेशनाचे तयारेक नेट आयला. प्रशासनान सगळ्यो वेवस्था तयार दवरल्यात. राज्यांतली बेरोजगारी, म्हारगाय, गुन्यांव, अपघात, खण लिलाव ह्या सारक्या प्रस्नांचेर अधिवेशनांत खर चर्चा जावपाची शक्यताय आसा.
मजगतीं, विरोधी पक्ष फुडारी युरी आलेमाव हांणी 15 दिसांच्या अधिवेशनाचेर नाराजगी उक्तायल्या. फाटल्या वर्सा पावसाळी अधिवेशन 18 दिसांचें आशिल्लें. अंदूं तें 15 दिसांचें आसा. वर्साक वर्स अधिवेशनाचो काळ उणो जायत आसा, हो सरकाराच्या अपेसाचो संकेत अशी टिका आलेमाव हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
