भांगरभूंय | प्रतिनिधी
मुख्यमंत्री डॉ. प्रमोद सावंत हांचे वतीन पयलेच फावट डिजिटला वरवीं अर्थसंकल्पाचें सादरीकरण.
* मडगांवची दिंडी आनी शिरगांवचे लईराई जात्रेक राज्य उत्सवाचो दर्जो.
* ह्यान फुडें सरकारी येवजण्यांच्या निधीचो लाव आधार प्रणाली वरवींच लावार्थींक दितले.
* गोंयच्या माध्यमीक आनी सरकारी शाळांच्या दरेका वर्गाक लॅपटॉप. बालरथांक नवो पर्याय. शाळा दुरुस्ती खातीर २०० कोटींची तरतूद. शाळांचे लॅबूय अपग्रेड करतले.
* गोंयां खातीर मुख्यमंत्री डॉ. प्रमोद सावंत हांणी मांडिल्लो २०२५-२६ वर्साचो अर्थसंकल्प २८१६२ कोटींचो.
* मतदारसंघांतले प्रकल्प पुराय करपाक आमदारां खातीर १०० कोटी निधीची तरतूद
* राज्यांतलीं रस्त्याचीं कामां, दुरुस्ती खातीर १,२०८ कोटींची तरतूद. हॉटमिक्स केल्ले रस्ते फुडलीं पांच वर्सां खणपाक बंदी. सरकारी इमारतींचे जतनाये खातीर २७३ कोटी.
* उदकाची पुरवण करपाक पिवपाचें उदक (डीडब्ल्यूडी) हें नवें खातें. हे खातीर ८०१ कोटींची तरतूद. सुरू आशिल्ल्या जलशुद्धीकरण प्रकल्पांचें काम बेगीनूच पुराय करतले.
* राज्या खातीर म्हत्वाच्या तमनार प्रकल्पाचें अंदूं लोकार्पण.
* मुरगांवचो क्रूज टर्मिनल प्रकल्प जून २०२५, जाल्यार पणजेचें मिनी कन्वेन्शन सेंटर डिसेंबर २०२६ मेरेन पुराय.
* नार्व्यां अध्यात्मीक पर्यटन थळ म्हणून जातली उदरगत. हांगा गंगा आरती थळाची स्थापना करतले
* फुफ्फुसाच्या कॅन्सराची तपासणी करपाक ’एआय’ तंत्रज्ञानाचो वापर करतले. गोमॅकोचो ताण उणो करपाक हेर हॉस्पिटलांक बळगें दितले. भलायकी खात्या खातीर ८५७, जाल्यार गोमॅको खातीर कोटींची तरतूद.
* कदंब बशी टप्प्याटप्प्यान वीज तशेंच सीएनजीचेर चलतल्यो. येरादारी खात्याच्या कार्यालयाचें पर्वरे स्थलांतर.
* खण खात्यान आतां मेरेन २४ लीज आशिल्ल्या १२ ब्लॉकांची केली पावणी. आनीक ९ लीजेवेल्या पावणेंची प्रक्रिया बेगीनूच जातली. डंप पावणीय अंदूंच जातली.
* कामगार खात्याक ’मनीसबळ उदरगत खातें’ अशें नांव. सगल्याच मळावेल्या कामगारांची खात्यां वरवीं जातली उदरगत
* सरपंचांचें मानधन २ हजार, जाल्यार पंचांचें मानधन १ हजार रुपयांनी वाडोवपाचो प्रस्ताव. सगल्याच पंचायतींचो कारभार अंदूं जातलो ऑनलायन.
* सरकारी खात्यांत नोकर भरती कर्मचारी भरती आयोगा वरवीं जातली. पारदर्शकतायेक लागून तरणाट्यांचो आयोगाचे परिक्षेक बरो प्रतिसाद.
* सरकारी खात्यांत नोकर भरती कर्मचारी भरती आयोगा वरवीं जातली. पारदर्शकतायेक लागून तरणाट्यांचो आयोगाचे परिक्षेक बरो प्रतिसाद.
* अंगणवाडी सेविका, मजत करप्यांच्या मानधनांत अंदूं १ हजार रुपयांनी वाड. गृहआधार येवजणेे पयशे दरेका म्हयन्याचे १० तारखेक मेळटले.
* गृहआधार येवजण जातली डिजीटल. दर म्हयन्याचे १० तारखेर मेळटले पयशे. समाज कल्याण खात्याच्यो २१ येवजण्यो जातल्यो डिजीटल.
* राज्यांत तिसरो जिल्लो तयार करपाची प्रक्रिया अंदूं पुराय जातली.
* पत्रकार घडोवपा खातीर महाविद्यालयांत जर्नलिझम क्लब. अप्रेंटिसशीपा खातीर दिसाळ्यांक अर्थीक तरतूद. मरण आयिल्ल्या पत्रकारांच्या कुटुंबाकूय मेळटलें निवृत्ती वेतन.
* सरकारी वावरांत कोंकणीचो वापर वाडोवपाक समिती स्थापन करतले. ही समिती अर्ज, पत्रवेव्हार कोंकणींतल्यान जनते मेरेन पावोवपाचें काम करतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
