भांगरभूंय | प्रतिनिधी
पणजी: गोंय विद्यापीठान गोंय राज्य रिसर्च फावंडेशन पुरस्कृत Industrial Estates in Goa: Entrepreneurial Perceptions, Performance, and Regional Disparities (गोंयच्यो उद्देगीक वसणूकों- उद्देजकताय ज्ञान, प्रयोग आनी प्रादेशीक विशमता) ह्या विशया वयल्या संशोधन प्रकल्पाचेर काम करपाक रिसर्च असिस्टंटच्या दोन पदां खातीर पात्र उमेदवारां कडल्यान अर्ज मागयल्यात.
निवड जाल्ल्या उमेदवारांक गोंय विद्यापीठाच्या गोंय बिजनेस स्कुलाच्या अर्थीक सेवा शाखेंत प्रकल्पाचेर संशोधन करचे पडटले. प्रकल्पाचो कार्यकाळ फकत धा म्हयने आसा.
उमेदवारा कडेन उण्यात उणे ५५ टक्के गुणां सयत समाजशास्त्र वा खंयच्याय संबंदीत शिक्षणांतली मास्टर पद्वी पात्रताय आसपाक जाय. स्टॅटिस्टिकल डाटा अनालिसीस ज्ञान आनी अणभव आवश्यक आसा. म्हयन्याक २०,०००/- रूपया मानधन दितले. उमेदवाराची पिराय ३५ वर्सा परस चड आसची न्हय.
मुलाखत २० मार्च २०२६ दिसा दनपरां २.३० वरांचेर गोंय बिजनेस स्कुल, गोंय विद्यापीठ हांगा जातली. इत्सूक आनी पात्र उमेदवारांनी आपलो सीव्ही, शिक्षणीक दाखले आनी कामाच्या अणभवाचो दाखलो विभाग मुखेली डॉ. संजीता परब हांकां २० मार्च २०२६ दिसा दनपरां २ वरां मेरेन सुपूर्द करपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
