गोंय विद्यापीठान मागयल्यात अर्ज

भांगरभूंय | प्रतिनिधी

पणजी: गोंय विद्यापीठान गोंय राज्य रिसर्च फावंडेशन पुरस्कृत Development of hybrid 2D material plasmonic nanoparticle system for surface-enhanced Raman scattering and application to the detection of environmental pollutants ह्या विशया वयल्या संशोधन प्रकल्पाचेर काम करपाक एका प्रकल्प सहाय्यक पदा खातीर पात्र उमेदवारांकडल्यान अर्ज मागयल्यात. उमेदवाराक गोंय विद्यापीठांत भौतीक शास्त्र आनी तत्सम शास्त्र विभागांत एक वर्स संशोधन करचें पडटलें. (प्रकल्पाचो कार्यकाळ तीन वर्सां मेरेन वाडपाक शकता वा प्रकल्प पुराय जाय मेरेन, जो पयलीं आसा तो आसतलो.)
उमेदवारा कडेन उण्यांत उणे ५५ टक्के गुणां सयत भौतीक शास्त्रात पद्व्युत्तर पदवी पात्रताय आसपाक जाय. NET/ SET पात्रताय आशिल्ल्या उमेदवाराक प्राधान्य दितले. भौतिकशास्त्र, स्पेक्ट्रोस्कोपीक टेक्निक प्रयोग अणभव आनी ऑप्टीक गिन्यान गरजेचें आसा. म्हयन्याक २०,०००/- रूपया मानधन दितले. उमेदवाराची पिराय ३५ वर्सां परस चड आसची न्हय.
इत्सूक आनी पात्र उमेदवारांनी आपलो अर्ज गोंय विद्यापीठांत भौतीक शास्त्र आनी ततस्म शास्त्र विभागांत ५ एप्रिल मेरेन दिवचो. वेंचिक उमेदवारांची मुलाखत १६ एप्रीलाक जातली.

ज्युनियर रिसर्च वांगडी

गोंय विद्यापीठान गोंय राज्य रिसर्च फावंडेशन पुरस्कृत Microplastics and ­associated Biofilms in Mangroves of Goa: Spatial and Temporal Fluxes ह्या विशया वयल्या संशोधन प्रकल्पाचेर काम करपाक एका तात्पुरत्या प्रकल्प सहाय्यक पदा खातीर पात्र उमेदवारांकडल्यान अर्ज मागयल्यात. निवड जाल्ल्या उमेदवाराक विद्यापीठात भूंय, समुद्र आनी वातावरण विज्ञान विभागांत दोन वर्सां संशोधन करचें पडटलें. (प्रकल्पाचो कार्यकाळ तीन वर्सां मेरेन वा प्रकल्प पुराय जाय मेरेन, जो पयलीं आसा तो आसतलो.)
उमेदवारा कडेन उण्यांत उणे ५५ टक्के गुणां सयत मरीन मायक्रोबायलॉजी विशयात एम.एससी. पात्रताय आसपाक जाय. म्हयन्याक २० हजार रूपया मानधन दितले. उमेदवारांची पिराय ३५ वर्सां परस चड आसची न्हय.
मुलाखत ४ एप्रीलाक सांजेच्या ४ वरांचेर भूंय, समुद्र आनी वातावरण विज्ञान विभागांत, गोंय विद्यापीठांत जातली. इत्सूक आनी पात्र उमेदवारांनी सीव्ही, शिक्षणीक दाखले आनी कामाच्या अणभवाचो दाखलो विभाग मुखेली डॉ. प्रिया एम. डिकॉस्ता हांकां (email ID: priyadcostaunigoa.ac.in) २ एप्रील मेरेन धाडचो.