गोंय विद्यापीठान प्रकल्प सहाय्यक पदां खातीर अर्ज मागयल्यात

भांगरभूंय | प्रतिनिधी

पणजी: गोंय विद्यापीठान आयसीएसएसआर -पुरस्कृत “Soulful Journeys: Integrating Therapeutic Indigenous Cuisines, Wellness Programs, and Philosophical Counselling for Sustainable and Holistic Tourism in Goa,s Hinterland – A Vision for Developed India 2047” ह्या विशया वयल्या संशोधन प्रकल्पाचेर काम करपाक दोन प्रकल्प सहाय्यक पदांच्या सुवातां खातीर पात्र उमेदवारां कडल्यान अर्ज मागयल्यात.
उमेदवारा कडेन उण्यात उण्या ५५ टक्के गुणां सयत खंयच्याय समाजशास्त्रांतली पद्व्युत्तर पात्रताय आसपाक जाय. म्हयन्याक २०,०००/- रूपया पगार आसतलो. प्रकल्पाचो कालावधी स म्हयन्यांचो आसा. उमेदवाराक गोंयच्या ग्रामीण वाठारांत वचून लोकां कडल्यान घरगुती वखद उपचार आनी पाकशास्त्रा विशीं म्हायती एकठांय करची पडटली.
इत्सूक आनी पात्र उमेदवारांनी आपले अर्ज सीव्ही आनी गरजेच्या दाखल्यां सयत तत्वज्ञान अभ्यासक डॉ. वॉल्टर मिनेझिस, संस्कृत तत्वज्ञान विभाग हांकां [email protected] चेर धाडचे. मुलाखत २२ नोव्हेंबर दिसा दनपरां ३ वरांचेर संस्कृत तत्वज्ञान विभाग, गोंय विद्यापीठ हांगा जातली. उमेदवारांनी मुलाखतीक येतना आपले मुळ दाखले वांगडा हाडचे, असो उलो विद्यापीठान मारला.