भांगरभूंय | प्रतिनिधी
पणजी:गोंय विद्यापीठान गोंय राज्य रिसर्च फावंडेशन पुरस्कृत “Digital Empowerment: Transforming Financial Independence for Goa’s Senior Citizens” ह्या विशया वयल्या प्रकल्पाचेर गोंय विद्यापीठाच्या गोवा बिजनेस विभागांत काम करपाक एका प्रोजेक्ट स्टाफ पदा खातीर पात्र उमेदवारांकडल्यान अर्ज मागयल्यात.
प्रकल्पाचो कार्यकाळ तीन वर्सांचो आसा आनी म्हयन्याक एकत्रीत २०,००० रूपया मानधन दितले. उमेदवाराची पिराय ३५ वर्सां परस चड आसची न्हय. उमेदवारा कडेन उण्यात उणे ५५ टक्के गुणांसयत वाणिज्य/अर्थिक सेवा/वेवस्थापन विशयांत मास्टर पद्वी पात्रताय आसपाक जाय.
मुलाखत २८ जानेवारी दिसा दनपरां ३ वरांचेर गोवा बिजनेस स्कुल विभाग, गोंय विद्यापीठ हांगा जातली. उमेदवारांनी अर्थीक सेवा विभाग प्रमूख डॉ. पौर्णिमा एस. धुमे हांच्या नाम्याचेर अर्ज बरोवचो आनी गोवा बिजनेस स्कुलाच्या कार्यालयांत गरजेचे दाखले, गुणपत्रिकेच्यो स्वता प्रमाणीत केल्ल्या प्रती सयत सादर करचो. उमेदवरांनी मुळ दाखले वांगडा घेवन येवचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
