गोंय विद्यापीठाक जाय दोन प्रकल्प सहाय्यक

भांगरभूंय | प्रतिनिधी

पणजी: गोंय विद्यापीठान भूंय विज्ञान मंत्रालय पुरस्कृत Isolation, culture and identification of deep-sea metal-tolerant microbes with environmental applications ह्या विशया वयल्या संशोधन प्रकल्पाचेर काम करपाक दोन प्रकल्प सहाय्यक पदां खातीर पात्र उमेदवारां कडल्यान अर्ज मागयल्यात. हो प्रकल्प दोन वर्सां खातीर आसून निवड जाल्ल्या उमेदवारांक गोंय विद्यापीठांत भूंय, समुद्र आनी वातावरण विज्ञान विभागांत संशोधन करचे पडटलें.
उमेदवारां कडेन उण्यांत उणें ५५ टक्के गुणां सयत समुद्री सुक्ष्मजीव (Marine Microbiology) विशयांत एम.एससी. पात्रताय आसपाक जाय. Bacteria, actinomycetes, thraustochytrid आनी fungal cultures हाताळपाचो आनी AAS / molecular कामाचो अणभव आशिल्ल्या उमेदवारांक प्राधान्य दितले. म्हयन्याक ३७,०००/- रूपया मानधन आनी ८ टक्के घर भाडें भत्तो दितले.
मुलाखत १४ फेब्रुवारी दिसा दनपरां २ वरांचेर भूंय, समुद्र आनी वातावरण विज्ञान विभागांत, गोंय विद्यापीठ हांगा जातली. इत्सूक आनी पात्र उमेदवारांनी आपलो सीव्ही, शिक्षणीक दाखले आनी कामाच्या अणभवांचो दाखलो वांगडा हाडचो. तशेंच इत्सूक आनी पात्र उमेदवारांनी आपलो अर्ज विभाग मुखेली डॉ. सी. व्ही. बर्डे हांकां chanda.berdeunigoa.ac.in चेर १३ फेब्रुवारी मेरेन मेल करचो.