भांगरभूंय | प्रतिनिधी
भांगरभूंय । खबरां मेज
पणजीः अखील भारतीय डार्ट्स असोसिएशना वतीन 15 ते 17 सप्टेंबर मजगती गोंय राष्ट्रीय रॅकिंग डार्ट्स चॅम्पियनशीप सर्त हडफडें हांगा प्रायड सन व्हिलेज रिसोर्टांत जातली. 15 राज्यांतलें पंगड तातूंत वांटेकार जावापीच शक्यताय आसा. गोंय डार्टंस असोसिएशन हे सर्तीचें जोड आयोजक आसा
दिल्ली, महाराष्ट्र, राजस्थान, झारखंड, पश्चीम बंगाल, आंध्रप्रदेश, कर्नाटक, बिहार, आसाम, ओरिसा, गुजरात, जम्मू- काश्मीर, छत्तीसगड, उत्तर प्रदेश आनी गोंयचे पंगड तातूंत वांटो घेतले. डेन्मार्काक फुडल्या वर्सा जावपी आशिया- पॅसिफीक सर्तींत वांटो घेवपी भारतीय पंगड हे सर्ती उपरांत वेंचून काडटले. राजीव प्रताप रूडी, श्रीपाद नायक, नितीश प्रामाणीक, दर्शन साह, कार्लोस डिसोझा सर्तीचे सोयरे आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
