भांगरभूंय | प्रतिनिधी
पणजी: भारतीय वेंचणूक आयोगान सचीव (महसूल) संदीप जॅकीस (आयएएस) हांची सध्या चालू आशिल्ल्या विशेश मतदार वळेरी उजळणी काळांत गोंय राज्या खातीर मतदार वळेरी निरिक्षक म्हणून नेमणूक केल्या.
मतदार वळेरी निरिक्षक सामान्य लोकांचे कसलेय दावे/प्रस्न आसल्यार ते स्विकारपा खातीर १८ डिसेंबर २०२५ दिसा सकाळीं १०.३० वरांचेर परिशद सभाघर, जिल्लोधिकारी कार्यालय, उत्तर गोंय पणजी हांगा उपलब्ध आसतले. तशेंच सर्वसामान्य लोक चेंबर क्रमांक १०२, दुसरो माळो, सचिवालय, पर्वरी, ४०३५२१ हांगा तांच्या कार्यालयांत मेळपाक शकतात वा फोन नं. ०८३२-२४१९४११, २४१९६२० वयल्यानय मतदार वळेरी निरिक्षकां कडेन संपर्क करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
