भांगरभूंय | प्रतिनिधी
वाळपय: गोंय-बेळगांव मजगतींच्या चोर्ला घांट वाठारांतल्यान बेकायदेशीर बीफ येरादारी करपाचे प्रकार हालींच्या काळांत वाडपाक लागल्यात. फाटल्या वर्सा चार फावटीं ह्या महामार्गाचेर बीफ जप्त करपाच्यो घडणुको घडल्यो. तरी आजूनय हे प्रकार बंद जावंक ना. शेनवारा बजरंग दळाच्या कार्यकर्त्यांच्या यत्नांतल्यान वाळपय पुलिसांनी चोर्ला भागांतल्यान गोंयांत येवपी व्हडा प्रमाणांत बीफ जप्त केलें. तें मासं सुमार ८०० किलो आसा. हे खातीर पांच गायींक मारिल्ल्याचो दुबाव बजरंग दळाच्या कार्यकर्त्यांनी उक्तायला.
ह्या प्ररणांत पुलिसांनी दोन इनोव्हा गाडयो ताब्यांत घेतल्यात. तशेंच दोगांचेर गुन्यांव दाखल करून तांकां ताब्यांत घेतिल्ल्याची म्हायती वाळपय पुलिसांनी दिली.
ह्या प्रकरणांत कारापुर सांखळेचो इरफान मेहबूब शेर हसन शेख हाका अटक केल्या. ही कारवाय निरीक्षक विजय शिरोडकार हांच्या नेतृत्वा खाला केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
