भांगरभूंय | प्रतिनिधी
’द एलिफंट व्हिस्परर्स’ चित्रपटान महोत्सवाचो शुभारंभ
पणजी: गोंय पर्यावरण चित्रपट महोत्सवाच्या पयल्या आवृत्तीचें आयोजन 3 ते 5 जून मजगतीं केलां. गोंयांतल्या जी20 बसकांचे फाटभूंयेर हो उत्सव संवसारीक पर्यावरण दिसा निमतान आयोजीत केला. शेनवार 3 जून दिसा सकाळीं 10.30 वरांचेर ’द एलिफंट व्हिस्परर्स’ ह्या उत्कृश्ठ लघुपटाचो ऑस्कर पुरस्कार फावो जाल्ल्या चित्रपटाच्या प्रदर्शनान महोत्सवाचो शुभारंभ जातलो.
ह्या चित्रपट महोत्सवाची पयली आवृत्ती पर्यावरण, शाश्वत जीण, सामाजीक जीण, जैवविविधता, प्लास्टीक प्रदूशणाचेर उपाय, उदका संवर्धन अशा साबार विशयांचेर आदारूत आसा, वसुधैव कुटुंबकम – एक भूंय, एक कुटूंब, एक भविश्य ह्या जी20 चे संकल्पनेकडेन सुसंगत आसा. तीन दीस चलपी महोत्सवांत संवसारभरांतले 50 परस चड चित्रपट प्रदर्शीत करतले.
महोत्सवाचो समारोप 5 जून, संवसारीक पर्यावरण दिसा बर्लीन फिल्म फेस्टिव्हल महोत्सवांत Golden Bear पुरस्कार फावो जाल्ल्या स्पॅनीश चित्रपट Alcarras च्या प्रदर्शनान जातलो. हो फिल्म महोत्सव लोकां खातीर उक्तो आसा आनी www.goaeff.in हे वेबसायटीचेर नोंदणी फुकट आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
