भांगरभूंय | प्रतिनिधी
पणजी, प्रतिनिधी ः गोंय पर्यटन खातें फुडल्या वर्सा २०२५त ११ राष्ट्रीय जाल्यार २२ आंतरराष्ट्रीय इव्हेंटांनी वांटेकार जातलें. हातूंत ११ देशांनी रोड शोचो आस्पाव आसा. हे विशींचे इव्हेंट कलेंडर पर्यटन खात्यान जाहीर केला.
वर्स २०२४-२५त १७ राष्ट्रीय इव्हेंटा मदले ११ इव्हेंट फुडले वर्सा जावपाचे आसात. ह्या इव्हेंटात वाटेकार जावन पर्यटन खाते गोंय पर्यटनाचो
प्रचार करता. टीटीएफ कोलकाता, टीटीएफ अहमदाबाद, बीएलटीएम दिल्ली, आयटीएम
अमृतसर हे इव्हेंट ऑगस्ट आनी संप्टेबर म्हयन्यांत जाले.
आतां फुडाराक पर्यटन खातें २४ ते २६ नोव्हेंबर मजगतीं आयआयटीएम पुणे, १ ते ३ डिसेंबर आयआयटीएम हैदाराबाद, २० ते २२ डिसेंबर आयआयटीई मडूराई ह्या इव्हेंटांनी वांटेकार जातलें. जाल्यार २०२५त १९ ते २१ जानेर मजगतीं
आयआयटीएम कोची, जानेर म्हयन्यात ६ ते ७ दिसां खातीर भारत पर्व, ८ ते १०
फेब्रुवारी ओटीएम मुंबय, १६ ते १८ फेब्रुवारी टीटीएफ बंगळूर, १९ ते २१ फेब्रुवारी साट्टे दिल्ली, ७ ते ९ मार्च मजगती आयटीएम देहारदून, २८ फ्रेब्रुवारी ते २ मार्च मजगतीं होलीडे एक्स्पो वाराणसी, १५ ते १७ मार्च टीटीएफ चेन्नय, मार्च २०२५ दिल्ली वेडींग प्रदर्शन, एप्रिल २०२५त जीआयटीबी जयपूर हे
इव्हेंटात वाटेकार जातले.
गोंयच्या पर्यटनांक संसारीक मळार आनीक उर्बा मेळपा खातीर वर्स २०२४-२०२५त २४ अंतरराष्ट्रीय इव्हेंट नियोजीत केल्यात. तातुंतले २ इव्हेंट ओटीडीव्हायकेएच लिजर रशिया आनी आयएफटीएम पॅरीस फ्रान्स हे इव्हेंट संप्टेंबर म्हयन्यांत जाले.
आतां फुडाराक २३ ते २५ ओक्टोबर मजगतीं आयटीबी एसिया सिंगापूर, ड्ब्ल्युटीएम लंडन २०२४त ५ ते ७ नोव्हेंबर, तशेंच आंतरराष्ट्रीय पर्यटन
महोत्सव उजबेकिस्तान २१ ते २३ नोव्हेंबर, आयटीबी बर्लिन जर्मनी ४ ते ६ मार्च, केआयटीएफ/एमएटीएकेए कजाकिस्तान २३ ते २५ एप्रल, एटीएएम दुबय २८ एप्रील ते १ मे मजगतीं जातले.
जाल्यार कतार, सावदी अरेबिया, अमेरीकेतल्या न्यु योर्क, वॉशिंगटन आनी लॉस एन्जलस शारांत, ओस्ट्रेलियाच्या सिडनी आनी मेलबर्न शारांत, आर्मेनिया, बेलारूस, जियोर्जिया, आजेरबायजान, उजबेकिस्तान, स्पेन आनी पोर्तुगाल ह्या राष्ट्रांनी गोंय पर्यटनाचे रोड शो जातले. पूण हे खातीर अजून तारीख निश्चीत जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
