भांगरभूंय | प्रतिनिधी
41वे अखील भारतीय उत्तराखंड गोल्ड कप क्रिकेट सर्तीचे उक्तावणाचे मॅचींत गोंय पंगडाक जम्मू कश्मीर पंगडा कडल्यान 73 धांवड्यांनी हार घेवची पडली. लडत देहरादूनच्या आयुष क्रिकेट अकादमीच्या मैदानाचेर जाली. गोंय पंगडान टॉस जिखून पयलीं फिल्डिंग करपाचो निर्णय घेतलो.
जम्मू कश्मीर पंगडान निर्धारीत 50 ओव्हरींनी 311 धांवड्यांचो दोंगर उबारलो. यावेर हसन आनी शुभम सिंग हांणी अर्द शेंकडो नोंदयले. गोंया वतीन फॅलिक्स आलेमांव आनी हेरंब परब हांणी दरेकी 3 विकेटी घेतल्यो. दर्शन मिशाळाक 2 जाल्यार शुभम तारी आनी दीपराज गांवकार हाणें एकेक विकेट फावो जाली.
मोखीचो फाटलाव करपी गोंय पंगडाचो डाव 41 ओव्हरींनी 238 धांवड्यांचेर सोंपलो. गोंया वतीन इशान गडेकार, आर्यन नार्वेंकार आनी कश्यप बखले हांणी अर्द शेंकड्यांची खेळी केली. एका वेळार 2 बाद 136 अशे बरे स्थितींत आशिल्ल्या गोंयचो डाव आर्यन नार्वेंकार बाद जाल्या उपरांत गडगडलो.
जम्मू कश्मीरा वतीन अबिद मुश्ताकान 3, अकिब नबी, सुनील कुमार आनी वंसराज शर्मा हांणी दरेकी 2 विकेटी घेतल्यो.
थोडे भितर धांवतकटोः जम्मू कश्मीर, 50 ओव्हरींनी सगले बाद 311 धांवड्यो ( कामरान इक्बाल 24, यावेर हसन 61, शुभम सिंग 57, कन्हैया वधावन 37, साहिल शर्मा 24, नासिर लोण 23, अबिद मुश्ताक 36, अकिब नबी 11, वंसराज शर्मा 12 धांवड्यो, बॉलींगः हेरंब परब 10-0-46-3, शुभम तारी 10-0-87-0, दर्सन मिशाळ 10-1-48-2, फॅलिक्स आलेमांव 8-0-67-3, मोहित रेडकार 8-0-42-0, दीपराज गांवकार 4-0-14-1) जैत आड गोंय, 41 ओव्हरींनी सगले बाद 238 (अझान थोटा 2, इशान गडेकार 66, आर्यन नार्वेंकार 51, कश्यप बखले 54, दर्शन मिशाळ 12, दीपराज गांवकार 5, राजशेखर हरिकांत 1, मोहित रेडकार 20, हेरंब परब 10, फॅलिक्स आलेमांव नाबाद 1, शुभम तारी 1 धांवडी, बॉलींगः अकिब नबी 6-0-40-2, सुनील कुमार 5-0-34-2, साहिल शर्मा 9-0-53-1, नासिर लोण 2-0-26-0, अबिद मुश्ताक 9-1-47-3, वंसराज शर्मा 10-1-37-2).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
