भांगरभूंय | प्रतिनिधी
सगल्या विभागांनी आपलो शेक दवरपी पंजाब पंगडान सांगें क्रिकेट अकादमीच्या मैदानाचेर चालू आशिल्ले चार दिसांचे 19 वर्सां पिराये सकयले कुचबिहार क्रिकेट मॅचींत येजमान गोंय पंगडाक एक डाव आनी 74 धांवड्यांनी हारयलो.
मॅच तिसऱ्याच दिसा सोंपली. फॉलोऑनाक तोंड दिवपी गोंय पयल्या डावांत 255 धांवड्यांनी फाटीं पडिल्लो. ताच्या मुखार डावान हार वांटावपाचें आव्हान आशिल्लें. पूण, ताका हें आव्हान पेलपाक जमूंक ना आनी ताचो दुसरो डाव 181चेर सोंपलो.
हाताक दुखापत जाल्ल्या पुंडलीक नायक दोनूय डावांनी बॅटिंगेक आयलो ना. फॉलोऑन करतना गोंयान आपल्या डावाची सुरवात बरी केल्ली. ओपनर देवेन कुमार चित्तम आनी इझान शेख हांणी पयले विकेटी खातीर 69 धांवड्यांची भागिदारी केली. पूण, उपरांत गोंयचो डाव गडगडलो.
थोडे भितर धांवतकटोः पंजाब, (पयलो डाव) 432, गोंय, (पयलो डाव) 9 बाद 177, (दुसरो डाव) 74.1 ओव्हरींनी 9 बाद 181 धांवड्यो (देवन कुमार चित्तम 41, इझान शेख 28, यश कसवणकार 31, वर्धन मिस्कीन 25, रिजूल पाठक 36 धांवड्यो, आराध्या शुक्ला 3-36, इमानज्योत सिंग चहल 3-38, कृश भगत 2-26).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
