भांगरभूंय | प्रतिनिधी
अागरतलाच्या महाराज बिर विक्रम स्टेडियमाचेर चालू आशिल्ले रणजी करंड क्रिकेट सर्तींतले मॅचींत येजमान त्रिपुरा पंगडान गोंय पंगडाक 237 धांवड्यांच्या फरकान हारयलो. हे हारीक लागून प्रोफेशनल क्रिकेट के व्ही सिद्धार्थाचो (नाबाद 151) शेंकडो फुकट गेलो. ताचे खेरीत गोंयच्या एकाय बॅट्समनांक खेळपट्टीचेर तग धरपाक जमूंक ना. त्रिपुराच्या मणिशंकर मुरासिंग, अभिजीत सरकार आनी राणा दत्ता हे फास्ट बॉलरांचे तिकटीन गोंयचो डाव गडगडावन उडयलो.
3 बाद 48 धांवड्यां वयल्यान मुखार खेळपाक सुरवात करपी गोंयचो दुसरो डाव 263चेर सोंपलो. सिद्धार्थान सकाळचें सत्र लक्ष्य गर्गा वांगडा खेळून काडलें. ह्या दोगांयनी चवथे विकेटी खातीर 62 धांवड्यांची भागिदारी केली. गर्ग बाद जाल्या उपरांत त्रिपाठी लेगीत सवाय भितर बाद जालो. ते उपरांत सिद्धार्थान मुखेली दर्शन मिशाळा वांगडा मेळून सवे विकेटी खातीर 73 धांवड्यांची भागिदारी केली. दर्शन बाद जाल्या उपरांत थारावीक अंतरान गोंयचे बॅट्समन बाद जायत गेले.
धांवतकटोः त्रिपुरा, (पयलो डाव 484 धांवड्यो), गोंय (पयलो डाव 135 धांवड्यो), त्रिपुरा (दुसरो डाव 5 बाद 151 घोशीत), गोंय (दुसरो डाव) 3 बाद 47 वयल्यान 97.2 ओव्हरींनी सगले बाद 263 धांवड्यो ( के व्ही सिद्धार्थ नाबाद 151, लक्ष्य गर्ग कॅ वृद्धिमान साहा बॉ अभिजीत सरकार 23, राहुल त्रिपाठी एलबीडब्ल्यू बॉ बिक्रम देबनाथ 3, दर्शन मिशाळ कॅ बिक्रमकुमार दास बॉ सुदीप चटर्जी 23, दीपराज गांवकार कॅ शंकर पॉल बॉ मुरासिंग 15, अर्जुन तेंडुलकर कॅ श्रीदम पॉल बॉ राणा दत्ता 10, मोहित रेडकार कॅ सुदीप चटर्जी बॉ राणा दत्ता 4, विजेश प्रभुदेसाय बो बॉ मुरासिंग 4, अतिरिक्त 5.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
